Jahrbuch der Jüdisch-Literarischen Gesellschaft · 1910-01-01 · VII. 1909 - 5670 (1910) · page 142

82 nun die Juden alle Jar auff Johanniss Baptisto achthundert gülden gut geldt in unser kammer endrichten vnd erlegen. Hierauff vnd über itztgemeltte Artikel alle haben wir die obgeschreiben Juden ln vnsern sunderlichen schütz schirm vnd geleidt vor vnss, die vnsern vnd der wir vngeferlich mechtig sein, genommen, die sich auch kegen vns uorpflichtet, ln allen Billichen und Rechtmässigen Sachen und geschefften darin sie unsere Nutz vnd frommen schaffen können gebrauchen zu lassen, vnd zu vnser Muntz allhier ahn granalyen da wieder so uile hochsilber, alse Inen zu Bekommen immer Muglich sein sollte, obbemeltte zehen Jar langk uberzulieffern schuldig sein vnd uorsehen sollen, So wollen wir Inen Jder Zeidt uor eine marck feinn zehen gudt geldt endtrichten uorreichen lassen, Wir uorgunnen erlauben vnd geben nach allen obbemeltten Juden Sampt den noch fünfzehen andern Juden midt Iren weibern kindern eiden und gesinde, wonunge, zinsunge, schlachtunge handlunge vnd handtierunge ln vnsern landen, Nemen sie auch mit ihren Weibern, kindern eiden vnd gesinde ln vnsern besundern schütz schirm frey sicher vhrlich vnd vngeferlich geleidt, wollen sie auch zugleich vnd Rechte vorthedigen gleich andern vnsern vnterthanen, alless wie obsteidt In Crafft vnd Macht diss Brieffs vnd sunder geferde, doch dass die Juden Jrer uorpflichtunge vnd Zusage nach midt endtrichtunge der )erlichen achthundertt gülden gudt geldt, vnd liebem vnss dass fein Silber In vnsere Muntz auch geburliche folge thun vnd sich Jder Zeit geleidtlich haltten. Begeren darauf ahn Jdermenniglich midt gnedigen fleiss, den vnsern ernstlich gebietende wolledt dieselben Juden In vnsern landen sicher fridsam vnd vngehindert ziehen, handeln, wandeln und passiren lassen vnd auch Tothlich noch sunsten ahn sie nicht uorgreifen, sundern Jnen diesess vnsress gegebenen Schutzes vnd geleitz Bey Meidunge vnser straffe vnd vngnade, stedt feste vnd vnnuorbrochlich haltten. Darann thudt ein Jeder vnser zuuorlessige Meinunge, Datum Coln an der Sprew am thage Jacoby Anno thausendtfunffhundertt vnd Jm viervndsechzigsten Jare. Joachim kurfurst p p. m. (Kgl. geh. Staatsarchiv, Rep. 21, Nr. 202.) Duchlauchtigster Hochgeborner Churfürst, gnedigster Herr, Euren Churf. g. vnser vnderthenigste vnd ganz gehorsamste Dienste zuuor, Gnedigster Churfürst vnd herr, wir armen Juden mögen Sr. Churf. gn. als vnseren gsten Herrn vnderthenigst klagends nicht Vorhalten, wie wir widder Lippoldt Juden, Als der ehr vns gewaltiger Weise ohne Vrsach vnd schuldt seines willens vnd gefallens inn die gefenknuss wirfft, vnd das vnser abschetzet, vnd warumb ehr vns vor vnsern Obersten nicht leidlichen, vnd das die Muntz Ordnung durch ihnen mher gehindert dann gefurdertt, vnd sonst andere beschwerlich Artikull mher vbergebenn, wie s. Churf. g. vnser clage vnd noth aus denselben allenthalben gnedigst werden zuersehen und zuvomehmen haben, Vnd do denn gnedigster Churfürst und herr, wie Sr. Churf. g. gnedigst gewilligt, S. Churf. g. Jherlich vierhundert Gulden