Jahrbuch der Jüdisch-Literarischen Gesellschaft · 1906-01-01 · IV. 1906 - 5667 (1906) · page 193

io Anhang XI. Fridrich von gottes gnaden Pfalntzgraue bey Rhein, des heiligen Römischen Reichs Ertztruchsäss vnnd Churfürst, Hertzog In Bairn. Lieber, getreuer. Wir haben dein schreiben, sampt mitgesandter Copei dess Vertrags, so vff vnnser gefallen mit dem Diemerischen Juden abgeredt ist, vnnd den andern Copeyen empfangen, vnnd Inhalts vernommen, Dieweyl wir nuhn vermerkhen, das durch solchen Vertrage, gar nichts an Bottmessigkeit oder andern begeben sein soll, So mugen wir leiden, das der vnnsernthalb vngehindert, In sein wurckhliohkeit gericht werde, Sofern auch denen von Schweinfurt vnbeschwerlich, vnnd nit zugegen ist, demselben Juden die gebettne Zeit, biss Cathedra Petri zuuergunden, mugen wir vnnsers thails auch leiden, es Inen zugelassen werde, Solt es aber den von Schweinfurth vnnd Jachsheym beschwerlich fallen, Hastu vff Jüngsten vnnserm beschaidt vnnd deinem angelegten beuelch vnd aussbott zubeharren, das er sich zu angesetzter Zeit hinweckh mach. Was dann dess von Schaumburgs Juden belangt, Dieweyl sich derselbig der Kay. Mat. vnnd vnnserm als Reichsvogts gebotte, also freuenlich widersetzt, Vnnd doch gassen Strassen, wasser vnnd waide gebrauchen thuet, So ist vnnser beuelch beharren, — Vnnd daneben vmb solchs freuels vnnd hochmuets willen, so der Key. Mat. vnnd vnns zuuerkleinerunge gereichet, Inen mit ein gueten abdrag nach gelegenheit seinss vermugens besetzen, vnnd denselben zuerlegen, Vff Inen dringen. Hieran thust vnnsern beuelch, Woltten wir dir gnediglichen nit bergen, Datum Haideiberg den Octobris A! m) LX. Anhang XII. Friderich von Gottes gnaden Pfaltzgraf bey Rhein dess Heiligen Römischen Reichs Ertztruehsäs vnnd Churfürst, Hertzog Inn Baiern. Lieber getrewer Wir haben Dein schreyben neben zugeschickter Copien was Bedrolichs Veit von Schaumberg Dir der ausgepottnen Juden zu Jochsheim halben geschrieben empfangen,