Jahrbuch der Jüdisch-Literarischen Gesellschaft · 1906-01-01 · IV. 1906 - 5667 (1906) · page 194

71 Seins Inhallts sampt angehefter Deiner bitte verstanden Nun wollen wir vnns nicht versehen gedachter von Schaumberg gegen Dir oder anndern die vnns Diensts oder schirmbs halb zugethan vnnd verwandt seien dises Gottlosen Folcks wegen etwas vngutlichs furnemen, sonndern Er sich desselbigen wol zuenthalten vnd zumassen wissen werde. Wie wir Inn dann auf solch Dein bergern laut beyligender Copey geschriben י(נ Das wollest Du Ime alssbaldt vnnd gewisslichen zuscbafen. Solt nun Er sich der Juden drüber ferners annemen oder aber, da sie also noch lenger vber die bestimpte Zeit zu Jochsheim mutwilliger vnnd halstarriger weise plieben, Alssdann da sie ausser dess von Schauinbergs behausung vnnd In der Yogtey Obrigkeit zubedretteil, nach Inen zugreiffen. Vnd sie gen Schweinfurt fure Inn verhafte legen lassen. Oder aber da sie ausser der Behausung In nicht zubedretten sein solten oder wess sich dissfals zutregt, hastu vnns desselbigen wider furderlichst zu berichten ferners bescheidts darunder zu gewartten. Doch damit sich die Juden mit billicheit nichts zu beclagen noch vrsach haben dess orts lenger vnnd vber bestimpte Zeit zuuerharren. So wollest Du hiezwuschen vorigem befelch nach Wo es annderst nit albereits beschehen, bey den Ynderthanen nach billichen vnnd tragliehen Dingen zu bezalung Irer schulden verhelfen gleichssfals auch bey den Juden vmb erlegunge angeforderts abtrags der hundert Daler anhalten, so sie sich aber dessen nochmaln beschweren, Hastu sie bey vnns ansuchen zulassen. Wolten wir Dir hinwider gnedig nicht bergen. Dat. Haidlberg 15. Septembris Anno m) 61. Anhang XU 1. Fridrich Pfaltzgraf Churfürst etc. Lieber besonnder Von vnnsern Rhäten so wir zu newlicheit zu Schweinfurt gehabt seint wir zu derselbigen wider anheimbskunfft vnndertheniglich berichtet, Was sie neben anndern, Auch aus vnnserm sonndern beuelch mit den Juden In dess heiligen Reichs vnnd vnns befolhener vogtheyen Schweinfurt zugehörigen Flecken Jochsheim gesessen, dieweil dieselbigen (vber das Inen hiebeuor durch vnnsern vnndervogt zu Schweinfurth Herman *) Vgl. Anhang XIII. 2)Einschlägig zu Seite 42, Note2und zu AnhangXII.