Jahrbuch der Jüdisch-Literarischen Gesellschaft · 1906-01-01 · IV. 1906 - 5667 (1906) · page 192

69 Anhang X. Fridrich von gottes gnaden Pfaltzgrafe bey llhein, Dess heiligenn Römischen Reichs Ertztruchsös vnnd Churfürst, Hertzog in Baiern. Lieber, getreuer, Wir seint berichtet, das vnnsere Schutzsvnnd schirms verwandten, Burgermaister vnnd Rathe zu Schweinfurth, bey weiiundt dem Allerdurchleuchtigsten grossmechtigisten Fürsten vnnd Herrn, Herrn Carln dem fünften Römischen Kaiser hochseligst löblicher gedechtnuss, ein begnad igs freyheyt ausgebracht vnnd erlangt haben, dassie alle Juden vnd Jüdinnen, die seien In d Stat Schweinfurth, oder den zugehörigen Richsvogtey Dorffern gesessen, wo sie wollen, bey einer Namhaften Peen von dannen hinwegkhschaffen mögen, Vnnd obwol ermelt Priuilegium angeregten Juden vnnd Jüdinnen, wie wir berichtet, nit allein die gepuere Insinuirt, sonder auch zumermale für vnnd angezaigt worden, sich daruff wissen zum abzuge zugerichten, So sollen sie doch gedachtem Kay. Privilegio zu veracht, sich noch dises tags, drutziger weisse, In den Richs-Vogtey Dorffern heusslichen enthalten, Welches gemeiner Stat vnnd Bürgerschaft, zu nachthailiger beschwerung geraichen thuet, Ist derwegen vnnser beuelch, Du wollest allen Juden vnnd Jüdinnen, So Im Fleckhen Gochsheym Sennfeldt od andern ortten gesessen, von vnnserntwegen, mit ernst aufferlcgen, vnnd gebieten, sich alsbalden, In wendig Monats frist nach dato, von dannen aus dess Reichs- Vogtey hinwegkh zutiiuen, vnnd ferner nicht wider darein zutrachten. Souern sie dann daruff abziehen werden, hats seinen wege, wo nit soltu Inen alsdann wasser vnnd waide auch Schutzs, Schirm vnnd Sicherhait auffkunden, verbieten vnnd entsetzen, solches alles furbas nit mer zugeniessen oder theils zusein, sie auch verpeen vnnd verpotten, vff gemeine vnnser vnnd des Dorffs grundt, boden, gassen vnnd Strassen zugehn oder zuwandlen, Als Du dich vff ein solch Mass wurdest zuuerhalten wissen, das haben wir Dir d Sachen gelegenhait vnnd Notturfft nach gnedigliehen nit bergen wollen, vnnd es beschicht herane vnnser beuelch vnnd mainung Dat. Haideiberg den 22. July A2 LX.