Jahrbuch der Jüdisch-Literarischen Gesellschaft · 1906-01-01 · IV. 1906 - 5667 (1906) · page 191

68 Anhang IX. Fridericli von Gotts gnaden Pfalntzsgraue bey Rhein Hertzog In Baiern des haiüigen römischen Reichs Ei tztruchsäss vnnd Churfürste, etc. Unsern gonstigen grus zuuor Ersamen weisen lieben besondern Nachdem Verschiener Tag die gemain Judenschafft zu gochssheim bey Schweinfurt vns suppücierende furgebrachtt wie sie bisshcr In ewers schirmlierns schütze vnd verspruch auch begriffen vnd demselben Jedes Jars von des schiimswegen ein benante Summe gehandtraicht betten als sie sich dan desselben gegen vns erbotten, So haben wir euch derhalben thun schreiben vnd wie es In solchen herkomen ewers berichts begert, dieveill vns aber darauff kein antwuertt von euch worden, so vermuten wir das euch dasselbig vnser schreiben nit zukomen sein mochtt Nitt weniger haben Jetzo gemelte Judenschafft ferner an vns supplicirt vnd daneben ein kayserlichen offnen beuelchsbrieff vns in Originali furgebrachtt, samptt einer abschrifft desselben, wie Ir hiebeiligendt nach lengs zuuernemen haptt, So wir dan vernemen das gemelte Judenschafft zu Gochsheim also vnder dem schütz der Statt Schweinfurtt schirmherns gehörig vnd das also herkomen sein soll, wir auch den kaiserlichen beuelch (.welcher auch mit begreiffen ist.) einer aussgedruckten ernstlichen mass befinden, wie dan die Juden vnsers achtens auch denselben hernachmals In Originali selbs fürbringen werden, So haben wir solichs am fordersten abermals gnediglich an euch gelassen lassen woln, Günstig gesinnendt Ihr wollent vns herauff ewers Wissens des Herkhomens dieser Juden halb bei diesem vnserm botten schrifftliehen bericht zukomen lassen, Daneben eur gemute In dem zuerkennen geben Vnd die beiligendt Der Juden supplication sampptt der abschrifft kayserlichs beuelchs vns widderumb mit vbersenden auff das wir alssdan was sich geburnvnd die notturfft erfordern wille vnns darunder zugerichten wissen, Daran erzaigt Ir vns gefallens mit gonstigem willen zu bedenken. Datum Augspurg Dinstags nach Letare Anno m) viertzig vnd achtt.