Jahrbuch der Jüdisch-Literarischen Gesellschaft · 1906-01-01 · IV. 1906 - 5667 (1906) · page 190

67 wurdt, Dargegen solche aine Judischait mit Irer stewer, Schutzgellt, aller gepur hallten vnnd meniglichst bey friden vnd Eue bleib, hab Ich gemellter JosellJud E. M. (?)mit disem Brieff zueroffenen nit wollen verhaltten. Dat. mit vnd vnnder meinem zu Ennde diser schrillt hiefurgetruckhtem Bittschier den Funffzehennden tag des monats martiy Anno m) Im Achtundtuirzigisten1). Anhang VIII. Durchleuchtigister Hochgeborener Churfürst gnedigister Herr. Demnach die Arme gemeine Judischait vff ettliche Ire beschwerden der Rö. Kay. Mst. vnser aller gnedigister Herr vnndertheniglichenn vonn denen Gochsheim furgebrachtt daraupf Ir Maiestät ain offnen kayserlichen beuelch derhalbenn hat gnediglichenn lassenn aussgeenn: Wie E. kay. Mst. desselbigenn beuelh hiebeigelegter copey gnediglichenn zu uernemen habenn, hierauff vone wegenn dessselbigenn Judenn von Gochssheim Mein vnderthenigist bitt, E. khurfürstl. gn. wollenn dermassenn auch gnedigist als ein schutzherr, ain offnen beuelh ann amptleuth vnnd Dorflfmaister lassen ausgeenn, das Sie gemelte Judischait daselbstenn zu Gochssheim, bey altem herkhommen Nach .... Jetzigenn kay. beuelhs so zugegen lassenn bleyben, vnnd nit weitter tringenn oder beschwerenn, Dargegenn was die Judischait doselbst wie von alttherkhommen E. Churf. gn. als ein schutzherrenn schlitzgelt zugehörig ist, wollenn sie vnndertheniglichenn wie sich gepuert, Jerlich ussrichtenn vnnd bezalenn. Thuen E. Churf. gn. vnus also vnderthenniglichen beuelhenn E. Churf. gn. Vnderthenigist Jossel Jud von Rossheim von wegen gemeltter Judischait von Gochsheim. Dat. Marcii a2 1548 pr. Auguste 12. י) Hier folgt dann das oben Seite 33 Note 5 beschriebene Siegel.