Jahrbuch der Jüdisch-Literarischen Gesellschaft · 1906-01-01 · IV. 1906 - 5667 (1906) · page 189

Anhang VII. Dem fursichtigen, Ersameii vnnd weissen Burgermaister, Schuldthaissen, Richter vnnd gemeinde zu gochtzhaim Entpieth ich Josel Jud vonn Rosshaim, gemainer Juden Beuelchhaber, Inn Teutschen Landen, mein gnettwilligen Dienst, vnnd fueg E. Erb. zuuernemen, demnach ainer gemainer Judischait bei Euch ettlich beschwer, wider alltherkhommen vnnd auch wider vnnser kayserliche Freyhait, vnnd vnnser Zeremonien, als vnnser Schnei, vnnd Sinagogen, gemellter Judischait, versperrth worden, daraumb Ich nun, als gemeltter Beuelchhaber, söllichs vunder andern der Rö. kay. Mst. als Oberisthaupt, vnnser Allergnedigister Herr. Clagsweiss, vnndertheniglichen furbracht, wie Ir dann vss demselbigen, Irer kay. Mst. opfenne kayserliche manndat, vnnd beuelch, dasselbig zuuernennen haben, Vnnd wiewol Ich gar khain Zweipffel hierain setzen, das ainiche personne, vber solliche Kayserliche Beuelch, nach verkhindung kayserlichs mandats gemellte Judischait, weitters hinwider zu beschwarn, hab Ich doch nifc wollenn vnnderlassen, vss Crafft meines Ampts, E. E. auch hierbey guetter meinung, opfenlich mit disem Brieff zuersuechen vnnd zuer Innern, das E. E. vpf Kayserliche beuelch gehorsam nachkhommenn, vnnd vnnser Schuelen, vnnd Sinagogen vnversperrt zue lassen. Wie dann vonn alltherkommen heer, Inn allen Reichs Stetten, Frannckfurth, vnnd Wurmbs, heergebracht, vnnd noch gehallte wurdt dann wo hinfur. gemainer Judischait, sambt oder Sonnder, ainicher Kay. wider Hochgedacht Kayserlich Mäiestat, genedigen beuelch, vnnd derselbigen Irer Mst. treffennliche Freybaitenn, So bey funfftzig marckh Löttigs golds, Inn derselbige Freyhaiten gepotten, vnns nit zubeschwern, mit solcher vnnd dergleichen zuwider geschehen, alssdann wurdt vnnd muesst Ich wider dieselbige vberfarn, beclagen vnnd furnemmen, Nit allain vor hochgedacht Rö. kayserlich mayestatt, vnnd auch den Durchleuchtigisten hochgebornnen Churfürstl. Hertzog Friderich als schutzherrn, vnnser aller gnedigisten Herrn, Sonder auch beclagen vnnd furnemmen vor dem Löblichen Kayserlichen Cammergericht, Wie sy dann das gepurn will, nach Jeder verhanndlunng, des Ich mich gegen Euch nit versieh, vnnd Inn Hoffnung werdenn gemaine Judischait Bey Euch, wie vonn Allterheer gonediglich schützen vnnd schirmen, damit weitter zue procedirn vnnott sein