Jahrbuch der Jüdisch-Literarischen Gesellschaft · 1906-01-01 · IV. 1906 - 5667 (1906) · page 188

65 mellte Marckht gewonnt vnnd nocli vnnd allwegen ainem Schirmherren alda ain Schutzgellt gegeben. So soll doch Im kurtzer Zeit, der hochgeborn Philippe lanndtgraw zu Hessen, als Er damals Schutzherr gewesen, Inen den Juden allerlay einträg gethun vnnd sich mit den Fleckhmaistern verainigt das Sy Inen Ir Synagog vnnd Schulen wider alltherkhommen, auch vnnsere gegebne Freyhaiten zugeschlossen vnnd versperrt. Das Sie also ain Zeit geduldt tragen muessen. Vnnd dhieweil aber die gemellten vnnser Judischait fursorge tregt, das sich ettlich bei Euch vnndersteen mochten, Sie die Juden gar darauss zuuertreiben vnnd zuuerbringen, Vnd vnns derhalben, vmb vnnser gnedig Hilff vnnd Einsehenns, vnndertheniglich angerueffen vnnd gepetten hat, demnach Empfelhen wir Euch hiemit Ernnstlich, das Ir die gemellt vnnser Judischait bei Euch Im dem Fleckhenn zu Gocshaim wonen auch Ir Synagog, widerumb öffnet vnnd hinfurter nit versperrt, Sonnder wie vonn altter herr bey Irem alltem herkhommen Irer Synagoge vnnd vnnsren Freihaitenn, Inen vnnd gemeiner Judischait, auff jüngst gehalltnem vmnsern Reichstag zu Speyr, gegeben, pleyben lasset. Vnnd Sie darbey schützet vnnd handthabet. Auch dawid nit beschweret noch vergewalltiget noch anndren zutbun gestattet In khein weiss damit wir auff ferner Ansuchen nit verursacht werden, Inn ander wege einsehenns zuhabenn, wie sich vnns das als Römischem Kaiser zuhanndthabung vnnserer gegebnen freyhaitenn zuthuen gepuren möchte. Das mainen wir Ernustlich. Geben Inn vnnser vnnd des Reichs Statt Augspurg am Sibennzehennden tag des Monats Januarii Nach Christ gepurth funfftzehennhundert vnnd Im Achtvnnduertzigisten vnnsres Kayserthumbs Imachtunzwintzigisten vnnd vnnseres Reichs Im zway und dreissigisten Jaren. Carolus Ad mandatum Cäsareae & Catholicae Mstis. propr. J. Obernburger. V. Max archidux V. Beorenz Die Copie ist vom Magister Wilhelm Scheffel Notar in Augsbürg beglaubigt. 5