Jahrbuch der Jüdisch-Literarischen Gesellschaft · 1906-01-01 · IV. 1906 - 5667 (1906) · page 180

aussmassen, würden Ine aber Tuch versetzt vnd verstunnden, die mtigen Sie, so es gantz tuch seyn, gantz wider verkanffen, wo es aber vngeuarlich ein Eelen war, sechs, oder Zehenn vnd darüber nit wern, die mugen Sie mit Eeln aussmessen, Item wess Sie die obgenannten Juden, den frembden ausswendigen leutten auf pfandt leyhen wurden, vnd Sie von wegen solcher pfandt, vor unss von Jemandt beclagt wurden, dabey sollen vnd wällen wur Sie souil muglich bey Kecht handthaben, wo Sie aber one pfandt ainem frembden leyhen, darumb sollen Sie Ire abentheur steen, doch sollen Sie auch uf khain harnisch, were, monstrantzen, Kelch, messgewandt vnd andere Kirchen Zirde vnd (lainatter gar nichs leyhen. Er Schmul Jud vnd seine hierinnen mituerwandten sollen auch khainen mitburger od. mitburgerin zu khainem bürgen oder selbsschulden für frembde leuth annemen. — Wo Sie aber darüber solches thätten, vnd die unsern für frembde zu bürgen oder selbsschulden annemen, Sollen Sie Ire Abentheur derwegen steehn, vnd wur Ine gegen denselben oder Iren erben noch auch uff Ire habe vnd guettcre zu verhelfen nit schuldig sein, Item wur haben auch gemeltem Schmul Jud das Hauss vnd Juden Kirchhoff, auf dem Anger zu der Hadergassen anainand gelegen die obbestimpte Funff Jare verüben, da er ainen Juden darein setzen mag, doch mit unserm wyssen, da er unss znleyden sey, der aber gar khainen Handel treyben, vnd ausserhalb seiner weybe vnd khtindern gar khain frembde Juden oder Jüdin, Junge oder alte, bey lnne haben haussen oder herberig soll, dan allain die Alte Lebin Jüdin mag er herberigen, Es mag auch er Schmul Jud vnd die seine angedingten Juden, den Kirchhoff, zu Irem begrebnus gebrauchen, «loch das er khainen frembden Juden herein fueren oder darauff begraben lassen soll, von solchem Kirchhoff vnd behaussung die er auch In Wesenheiten Bewen haltten vnnd handthaben soll, Soll er därlich den Je zuzeitten Bethmeistern Jedes Jars Insonderhaitt alwegen, uff plingsten Sechs guld geben vnnd bezalen, Item Er Schmul Jud sein Son vnd Eydame sampt Iren angedingten Juden, sollen sich auch mit Iren Haussgesunden In den Heussern darinnen Sie wonen, mit Iren ( ׳eremonien, Syngen vnd geschrey, an Iren Sabbathen, auch an unsern hayligen Sontagen vnd Feyrtagen still vnd züchtig haltten. Wo Sie aber solchs ueberfarn vnd nit thun wurden, sollen Sie