Jahrbuch der Jüdisch-Literarischen Gesellschaft · 1906-01-01 · IV. 1906 - 5667 (1906) · page 179

des Drei undfunffzigisten biss uff pfingsten des Sechs vundfünffzigisten Jars Leyhen mögen was under Zehen guldin Ist, den guldin ain wochen, umb ain Newen höller, was aber über Zehen guldin Ist, den guldin umb ain Altten höller, Ynd was Sie bisher hingelihen, oder an schulden Kauft haben, vnnd hinfürr In den ersten dreiven Jarren hinleyhen, oder an schulden mit wyssen wie volgen wiirdt, kaufen werden, das alles sollen Sie die Letztere zway Jare einpringen, doch das Sie sich In mitler Zeitt, jedes Jars zur Ernde vund Herbst Zeitten, auch mit allem vleiss bemühen sollen, Solche Ire schulden zuerfordern und dieselben guetlicli oder Rechtlich einpringen, vnd In den nit Feuren darzu wir Ine dan, ynd zu einpringung solcher Irer schulden, Sie seyen uff brieff vnd Sygell, liandschrifften oder gutten glauben vnd vertrawen, gelihen oder kauft, behilflich sein wollen, Item er SchmulJud vnd die andere obgenannte sein Sun vnd Eydame sollen alle schulden vnnd Zill, so sie unsern Bürgern, Bürgerin, vnd verwandten, In den ersten obbestimpten dreyen Jaren, abkauffen wollen unser vnd gemeiner Statt Ir zu zeitten Einnemern anzaigen, vnnd So sie Ime bewilligt werden, In Ir darzu verordent. buech einschreiben lassen, was dan also mit Irem der einnemer wyssen eingeschrieben wurdt, dabey soll es bleybenn vnnd aufrichtig gehalten werden, doch soll er Sclnnul Jud vnd die seinen vnbezwungen sein ainem Jeden seines begerens zuleihen, oder schulden abzukauffen, Sünder nach Irem verwiegen, Zu Irem geuallen steehn Und was Sie uff pfandt. unsern Burgern vnd Verwandten, die drey Jar Leyhen werden, sollen Sie, macht haben, von ainem guldin, ain wochen ain Newen höller zuneinen, vnd wass Jedes Jars von den versetzten pfandten, nit wiederumb gelöst, sollen Sie die Juden Jedes Jars die Summa, so Sie uff pfandt gelyhen vnd aussstendig bliben, den Hern einnemern ainmal anzaigen, darnach wur unss zurichten haben megen, Er Schmul Jud, Abraham sein Son, Jacob vnnd Salomon sein Eydame vnd die so noch hernach In dyss Bestallung auch khomen möchten, sollen gar mit khainem tuch, noch sonst gar khainen liandel, es sey was es wolle, zutreyben, zuhandlen, zukauffen od zuuerkauffen macht haben, dan allain mit Gold, Sylber, Berlin, Edelgestain, Samet, Damastat, guldin stuckhen, seyden gewand, mögen Sie mit ganz stuckhen oder mit der Eelen Kaufen, verkaufen, vnnd