Jahrbuch der Jüdisch-Literarischen Gesellschaft · 1906-01-01 · IV. 1906 - 5667 (1906) · page 181

58 unsser eines Raths straff darumb gewerttig sein, desgleichen auch mit Ir aller Junger vnd alter bekhleidung vnnd uff der gassen beschaiden halten, Sie sollen auch uff denmontag In die gemaine Badtstuben zugehn macht haben, doch das Sie sich gepurlich haltten, darzu wir auch die Bader haltten wollen, Sie wie bishere umb Ir gelt zubaden, Sie die mehrgemelte Juden, sollen auch bey den Metzlern allhie nit mehr flaisch schaichen1), dan Sie zu Iren Hausshalttungen selbst bederffen, vnd gar khain flaisch andern frembden Juden hinaussverkauffen oder schickhen, wo solches von Ine geschehe vnnd uns angezaigt würde, darumb sollen Sie In unsser ains Raths straff steehn, Sie sollen auch khain viel! nit kauften noch herein In die statt treyben, vnd solches selbst abthun, Sünder Ir flaisch bey den Metzlern hinnemen vnd kauften, auch bey unserer ains Raths straffe, Item muss er, Schmul Jud vnnd die seinen als oblautt die bemelte Jar an frembd wein oder Bier herein füeren werden, dauon sollen Sie zu Jeder Zeit gepürlich nyder leggelt geben, wie andere unsere burger, doch das Sie khainen weyn alhie ln der Statt verkauften dan was Sie an Iren Schulden nemen, vnd zu Irer hausshalttung nit derffen, vnd wass Jedes Jars In der Rechnung der anmeltten befunden wurt, das Sie an wein und Bier In Iren behaussungen aussgedrungkhen haben, dauon sollen Sie Ir angelt, wie ain ander mitburger zugeben schuldig sein, Item Ob Jemandt der vnsern in vnser Statt, oder ausswendig gesässen, deren wur möchtig sind, mit gedachten Juden, die Fünff Jare zu schaffen gewune, So sollen und wollen wur Sie bey unsern Stattrechten dieweill Sie hyr sind, als andere unsere mitburger, unsers Vermögens, getrewlich handthaben, were es auch das Ine ain leyds zuthun aufgelegt wurde, So soll Ir Jeder, doch nit ferner gedrungen werden, dan uf ainen Jüdischen Ayde vnnd moises Buch, Item Er Schmul Jud vnd die andern sollen auch Ire behawsungen Niemanden andern verkauften dan bürgern oder andern Burgern oder baurleutten, So vns ainem Rath zu Burgern Annemlich, die vnss auch von Ir Jedem zuuor angezaigt werden sollen, Auch weiter ob es sich begebe, das genanntte Juden mit andern Juden die allhie seind oder sein wurden, zu vnfrieden wurden, vnd sich י) wahrscheinlich ״schachten״.