Bericht des Jüdisch-Theologischen Seminars Fraenckel'scher Stiftung · 1910-01-01 · 1910 · page 58

LXXIX sie Abraham Juden aus haß jnn jfer vrgicht etwas auferlegt vnnd betzichtigt, sie wollt sollichs zuuerderben jrer seel nit auf sich laden cet., mit weitleufftigern zw jrer seel hail dinstlichen wortten, aber entlieh jst sie auf allem dem, des sie Abraam Juden jnn jrer vrgicht betzichtigt, bestanden, mit gantz tröstlicher Christlicher entschuldigung, sie hab weder den juden noch nyemands zw jrer seel verderbung betzichtigt, sonnder dem allem, was von jr auf den juden vnnd die andern drey weibs personen jnn jrer vrgicht bekant worden, sey nit annders, darauf wol sie alls ein frume Christin ersterben. Dergleichen hat sie nach anhörung jrer vrgicht vnnd darauf erfolgter verurthailung zürn tod vor offenlichem gericht, vnnd zw dem, alls sie zur stell jrer tods straff körnen, etlich vilmal gantz lautbar außgesagt, was sie auf Abraham juden bekannt, darauff wöll sie frölich vnd getrost ersterben, mit diesen angehengten wortten, sie hett sich versehen, die herrn von Jegerndorf sollten jr bessere gnad ertzaigt haben, weyl sie gemeins Landt vor schaden vnd verderbenn, das durch disen vnnd andere juden auß angestallter vnnd geübter that het volgen sollen, gewarnet hett cet. Aber weil es je nit anderst sein könnt vnnd möcht, beuelhe sie es dem allmechtigen gott, also hat sie alle jre mißethat für sich selbst vnnd dann auf den juden vnnd andere personen jnn jrer vrgicht geoffenbart, mit frölich angenomenem tod bestettigt. Folgends tags nach der Schkarin Rechtfertigung hat Abraham jud alles das, zw dem er sich jnn lebenn der Schkarin nach peinlicher frag bekant, stracks gelaugnet vnnd entliehen auf dem gestanden, was er bekannt.aus grosser erlittnen Martter gethan .... beschließlich was man haben .... hett vnnd jme geschehe von d . . . . einer pösen leichtfertigen person .... vnrecht, mit embssiger . . . man wollt sich an jme ... . Nach disem ist vnns gleichwol der Sachen vilerley bedenckens furgefallenn vnnd entlieh darumb, das man dem juden nit kurtz thett, aber wir habenn aus der Schkarin gütlichen peinlichen bestenndigen vnwiderrufflichen vrgicht, auch sonnderlichen aus Abraham juden selbst anzaigen, alls nemblich wann die schkarin auf dem, das sie jene beschuldigt hett, ersterben, wurd man sich alßdann wol weitter wissen zuhalltenn, vnnsers bedenckens auch nach antzaigen Doctor Johann Ribisch vnnd Doctor Viperti alls der rechtuerstendigen vnnd vor vnns jnn disen Sachen erfarnen, welliche Doctores sich jrer Raiß gein Wien alhie aufgehalltenn vnnd vonn e. f. g. wegen der Sachen zw besserem grunat von vnns vmb Rathe angesucht worden sein, enntlich kein annders erfinden vnnd beschliessen können, dann das man Abraham juden nach gütlicher ermanung, sich mit seinem Laugnen zw verner peinlichen frag nit zuuerursachen cet., wider mit peinlicher frag antzugreiffen, das ist also geschehen, zuerfarung rechts grunds nach notturfft, also hat er zw erster seiner vrgicht weitter vor vnnd nach peinlicher frag außgesagt. Auch entlieh jnn gefengknus vnnd nach anhörung seiner vrgicht vnnd darauf eruolgten vervrtheilung zw seiner sterblichen straf vor offenlichen gericht vnnwiderrufflich bekannt, darauf verpliben vnnd bestannden, so bald aber zw straf seiner vbelthat das feuer von dem nachrichter angestossen, hat er mit lautbaren wortten alle andere juden, die er jn seiner vrgicht besagt vnnd betzichtigt, widerruffen, antzaigendt, was er auff sie bekannt, daran het er jnen vnrecht gethan, aber sonnst hat er sein Verhandlung vnd vbelthat jm werdt besteen lassenn, zuuor vnnd ehe er aber gerechtuertigt worden, hat man den sechs juden vnnd jr ]geliehen besonder, das so er auf sie bekennt jm gefengknus auch volgends zw jme gefurt vnd jji seiner gegenwarth vorgelesen, sie darauf gütlichen gefragt vnnd