Bericht des Jüdisch-Theologischen Seminars Fraenckel'scher Stiftung · 1868-01-01 · 1868 · page 130

XXXII suscipere. Ad quartum: An ipsorum interpres impositi sibi muneris rationem reddiderit? interpretem hunc assistere ipsis (ut idem allegat) gratis et pro Deo, nec habere ab iis aliquod mandatum (procura), per quod in casu eorum fallaciae posset trahi ad respondendum pro iisdem. Ad quintum: An sit vir notus et alicujus meriti? in candore do ipsi testimonium, quod sit vir scientificus, sobrius, linguista, callens etiam lingam Hebraicam, natione Moschovita. Hoc ipsi unicum imponit maculam, quod in Schismate adhuc existens immiscuerat se sectae cuidam pessimae Ruthenicae hic in Podolia, et pejori adhuc quam Schismatiae, qua secta vocitatur Philipowcj apud Polonos, egitque ipsorum Archimandritam. Sed resipuit et factus est Orthodoxus, recepitque se ad piae memoriae Illmum Dembowski Episcopum Camenicensem Podoliae, cujus Ephebum egit ad ipsa facta ejusdem laudatissimi Antistitis. Nihilomimus videtur aliquo modo esse de perversitate susceptus. Ad sextum: An hi qui nomine aliorum agunt, sunt Judaeorum primores? et in quo fundamento agunt pro aliis? Isti qui hucusque agunt, utpote Jechuda Ben Nossen de Nadworna, Salomon Ben Elias de Rohatyn, sunt Judaei ex vulgo, neque substantiis neque scientia inter Judaeos clari. Hi tarnen Rabbinos scientificos et Judaeos de civitatibus principalioribus exHungaria, Valachia, Turcia conducturos se promittunt pro die disputationi assignata 16. Julii Leopolim, et ista eorum promissio est totum fundamentum, in quo agunt. Cum hac itaque fideli mea relatione sterno me ad pedes Illmae et Rmae Excellentiae Vestrae, Ipsius me protectioni ac favoribus commendo, ac maneo semper Illmae et Rmae Excellentiae Vestrae Die 20. Junii 1759 Leopoli. Huinillimug obsequentissimus servus ST. MIKÜLSKI, Can. Cathedrab's Ad. Gen. Leopol. mpp.