Jahrbuch der Gesellschaft für Geschichte der Juden in der Čechoslovakischen Republik · 1935-01-01 · 7 (1935) · page 101

Jahr lang vmb breuchliche judische Verzinßung zue gedulten versprochen vnndt beide Theil ihnen solches belieben laßen. Ist solches auff der Klägerin Begehren vmb stetter Haltung willen bey Gerichten alhier registriret vnndt vmb die Gebühr ein Abschrifft ertheulet wordten. Actum ut supra. 46d. Heut dato denn 25. 8bris 1635 hat Marttin Topffer, Burger alhier, denn Jueden Schmay von Saaz gerichtlichen zuegesaget, die vertagte Zinß 28 Sch. 30 Gr. auf drey Termin, alß 10 Sch. auff künfftig Weynachten, 10 Sch. auff Ostern deß 1636. Jahrs vnndt 8 Sch. 30 Gr. auff sanct Johannistag, richtigzuemachen, dargegen hat die Juedin Glaubigerin denn Marttin Topffer von heut dato an bieß vber ein Jahr die Haubsumma 21 Sch. auff judischen Zinß zue nüzen williget, doch wofern er bey einen oder dem andern Termin seumig erfundten vnndt Vncosten auffgewendet werdten müssen, daß Debitor solche zue erstatten schuldig sein soll. Actum ut supra. 46e. Heut dato denn 29.9 bis 1635 hat vor mir Paul Sichowiz, verordeneten Stadtrichter zue Commothaw, bekennet Simon Glaßberger, daß er denn Samuel Schmayin, Judin von Saaz, schuldig 9 Sch., hat derowegen gerichtlichen angelobet, daß er will an der obengemelden Schuldt bey Gerichten niederlegen in 8 Tagen 1 Sch. vnndt forthin alle 6 Wochen zue 1 Sch. bieß zur Vergnügung vnndt Bezahlung der obengemelden Schuldt, mit diesen Vorbehalt, in Fall er ein oder denn andern Termin nicht einhalten würde, soll er schuldig sein, die ganze Summa in der Genz auff einmahl zue erlegen. Ist also auff deß Jueden Begehren registriret vnndt vmb die Gebühr ein Abschrifft ertheilet. Actum ut supra. 46 f. Heut dato denn 29. 9bris dieß 1635. Jahr ist vor mir Paul Sichowiz, diese Zeit verordeneter Stadtrichter zue Commothaw, vorkommen Samuel Schmayin, Juedin von Saaz, vnndt denn Michel Heckel, Burger alhier, beklaget vnndt vorgenomben wegen 15 Sch. Summa vnndt dreyjahrige versessene judische Zinß 10 Sch., welches er ist schuldig wordten vnndt denn Kläger bezahlen hette sollen, jedoch sindt sie zwischen einander auff der Gerichten Vndterhandtlung also verglichen, daß sie Klägerin hat denn Beklagten die Frist geben, bieß auff künfftig Michaeli deß 1636 Jahrs soll vnndt will Beklagter die obengemelte 25 Sch. be- 98