Jahrbuch der Gesellschaft für Geschichte der Juden in der Čechoslovakischen Republik · 1934-01-01 · 6 (1934) · page 124

10. Universitätszeugnisse und Promotionsakten des Dr. med. Moses Salomon Gumpertz in Prag. I. Prüfungszeugnis der Prager medizinischen Fakultät. Prag, 28. April 1719. Abschrift als Beilage C zu dem Gutachten unter Nr. 9; Arch. Min. Inn. Prag, Alte Manip. J 4/45, Bl. 12 ff. Joannes Franciscus Low, Sacri Romani Imperii et provinc. haereditariarum eques ab Erlsfeld, dominus Lojowitz et Modletitz, philosophiae, juris utriusque et medicinae Doctor, sacrae caesareae regiaeque Majestatis consiliarius, in alma et antiquissima universitate Carolo-Ferdinandea Pragensi eiusdem medicinae praxeos professor, primarius regius, publicus, ac Ordinarius, academiae caesareae Leopoldinae Carolinae, naturae curiosorum collega, Aeron dictus, sacri Lateransis palatii aulaeque caesareae comes et medicus, nec non in prafata universitate Carolo- Ferdinandea Pragensi inclitae facultatis medicae senior et p. t. decanus. Lecturis Salutem in Domino. Cum ab excellentissima regia locumtenentia in inclito Bohemiae regno facultati medicae Pragensi gratiosissime insinuatum sit, ut Moyses Gumperz, nationis Judaicae, patria Metzensis, quem pater illius Salomon Gumperz, promotus medicinae doctor et communitatis Judaicae Pragensis medicus Ordinarius et actualis, pro suo adjuncto habere desiderat, juxta rescriptum a sua sacra caesarea regiaque Majestate clementissime emanatum apud praefatam facultatem nostram examen medicum, an pro hac functione capax reperiatur, subeat. Nos itaque huic suae sacrae caesareae regiaeque majestatis clementissimae resolutioni satisfacturi, praefatum Moysem Gumperz ad facultatem nostram medicam citavimus eundemque obedienter comparentem anno praesente 1719 die 21. curentis mensis Aprilis assumptis pro hoc actu (titul) DD. professoribus ordinariis et examinatoribus primo rigorose tentavimus, tandem etiam percepta taliter ex illo in studio medico et correpetitionibus suis magna diligentia, nec non in praxi apud praefatum parentem suum Salomonem Gumperz acquisita egregia notitia ex universa medicina strictissime examinavimus et, quia eum in hac scientia medica per memoratum Studium et exercitium suum acquisita bene fundatum reperiimus; Idcirco praesentibus hisce fidem facimus et attestamur, praememoratum Moysem Gumperz in praefato examine medico bene substitisse, nobisque ad quaestiones ipsi propositas latino idiomate tarn prompte et docte respondisse, ut supra memoratorum DD. professorum et examinatorum voto et calculo in saepe dicta arte medica merito approbatus et dignus inventus sit, cui superius mentionata functio, si gradum doctoratus in aliqua universitate, ubi similis religionis homines promoveri solent, acquisiverit, et suae sacrae caesareae regiaeque Majestati ita clementissime placuerit, conferatur, in quorum plenius robur ac evidentiorem fidem hocce testimonium publicum nostra nec non almae universitatis syndici et notarii jurati manu subscriptum, sigilloque facultatis nostrae medicae majori munitum ei dedimus. Pragae in magno Collegio Carolino die 28. mensis Aprilis Anno 1719. Joannes Franciscus Low ab Erlsfeld, Philosophiae, J. U. et Medicinae Doctor, Professor Senior et p. t. Decanus. Wenceslaus Maximiiianus Lochowsky, Almae Universitatis Pragensis Syndicus et Notarius juratus. 119