Zeitschrift für die Geschichte der Juden in Deutschland · 1936-01-01 · Heft 1 · p. Seite 15

Heymann Chone. Zur Geschichte der Juden in Konstanz III. Ein Grundstückskauf Abraham von St. Gallen kauft von den Geschlechtern das Haus zur Katze am Blaicherstad. 6. September 1427, Or. Perg. Urkunde mit dem Siegel des Stadtammans Ehinger im St.A. Ko. Ich Ulrich Ehinger Stattaman zu Costentz bekenn olfenlich und tün kunt alJermenglich mit disem brief, das der beschaiden Abraham der Jud von sant Gallen Burger zu Costentz für mich komen uff hut disen tag datum aiss brifs, offnot und bekant offenlich vor mir Ingerichtz wise, wie das wär als er von den vesten, fürnämen und wisen gemainen gesellen der alten Geschlächt zu Costentz Ir hus und hoffstatt, das man untzher genempt hett zu der Katzen, an Blaicher stad gelegen zwischent Hainrichs Wechslers stallung und Peter Brunners des Schüchmachers hus, stost hinan an Cünrat Fundeis hus, das reht aigen war und niemant nut darab gieng, gekouft und erkouft, und das Im och die fromen Johans Friburger und Johans Appeteger von der obgenanten gemainen gesellen wegen zu handen braucht und vor mir und offem gericht uffgeöen und gevergt netten nach innhalt sines vertigung brieves, Im von In darumö gegeben, by demselben hus und hoffstatt er In(en) aber noch schuldig wäre unnd gelten solte zwai hundert guter und genämer vollswärer rinscher guldin zu Costentz an dem Wechsel, die er In aber nu zümal komenlich also bar nit bezalen mochte. Darumb so habe derselbe Abraham Jud mit bedachtem mut und gesundem üb für sich und all sin erben und nachkomen reht und redelich verkouft und den obgenanten gemainen gesellen der alten Geschlächt zu Costentz und allen iren nachkomen der alten geschlächt zu Costentz umb die vorgenanten 200 guter rinscher guldin ains bestäten vesten ewigen koufes zü kouffent gegeben und geben In also vor mir zu kouffent mit disem brief, wie das billich und von reht gut kraft und macht hat und haben sol und mag jetzt und hernach zehen guter und genämer vollswärer rinscher guldin an dem Wechsel rechtz zinss und järlichen geltz von usser vor uss und ab dem obgenanten hus und hoffstatt mit aller zugehörd, das och mit allem reht gemainer gesellen obgenempt und aller Ir nachkomen umb den vorgeschribnen järlichen zins und schaden nu hinfur ahv hafft vervangen gut von allermenglichen haissen und sin sol, also das In die 10 guldin geltz nu hinfür voran des ersten und vor allem menglichen daruss darab und davon gan und gericht werden sond als hernach stat, und das er noch sin erben dasselbe hus und hoffstatt mit siner zugehörd füro kains wegs mer verkümberen nicht daruss darab noch davon versetzen, verkoufen noch dehain ander ändrung damit tun solen, das In oder iren nachkomen an irem zins und rechten schaden brengen mag, in kain weg, und also so sol der vorgenante Abraham Jud sin erben und nachkomen und alle die zu dero handen und gevvait das obgenante hus und hoffstatt jemer mer komet, den vorgenanten gemainen gesellen der alten geschlächt zu Costentz und allen iren nachkomen besunder och dem, In des handen und gewalt Iri rechten des Zinses jemer koment, den vorgeschribenen zins die 10 guldin geltz ab und von dem obgenanten hus und hoffstatt mit siner zugehörd und dazu ab und von allen andern irem ligenden und varenden gut, so sy hand und gewinnent, ob das hus von brunst wegen abgieng, gewüst oder sust als swach wurd, das es den zins nit ertragen möcht, nu hinnanhin alle jar järlichs insunder uff die vier Tempervasten im jar, die man nement fronvasten, uff Ir jeclich insunder ainen vierdentail desselben Zinses, das ist nämlich dritthalben guldin gütlich richten, geben und In die alle jar und zu jedem zil zu derselben gesellen Cristavel (= Geschäftsführer), die dann sind an ir statt und in irem namen zu iren handen und gewalt antwurten und bringen zu Costentz in der statt für krieg, aucht und Bann auch für als verbieten, verhefften und bekümbernuss menglichs an (ohne) minzung und und abgang, an furtzug und widerred und gentzlich und gar an allen iren costen und schaden und sond nu uff die Tempervasten, so zu wihnachten schierost 15