Zeitschrift für die Geschichte der Juden in Deutschland · 1936-01-01 · Heft 1 · p. Seite 16

Heymann Chone. Zur Geschichte der Juden in Konstanz komet nach datum diss briefs, das erst zil und den ersten zins dritthalb gülden anvahen zerichten und ze gebent . . . Sunder solen derselb Abraham Jud sin erben und nachkomen dasselbe hus und hoffstatt nu hinfür in guten eren und unzergängtlich halten und haben an all gevärd. Ob aber er sin erben oder nachkomen Jemer hieran sumig würden u. der vorgenanten 'gemainen gesellen der alten geschlächt Cristavel oder ire nachkomen, welche die ye dann sint, den vorgeschobenen zins, die 10 guldin geltz nit richtint, antwurtint und gebint uff die zil und in der wiss als oben stat, wenn sy denn ye des gevallen ungewerten Zinses nach jedem zil zu schaden koment, sy nemint In an schaden an Judan an Christan an wechseln an koffen oder an andern schaden, oder käment sy des zu schaden von zerung, dag bottenlon, von türgebieten, von briefen, von gericht gaistlichem oder weltlichem oder sust von ander redlicher sach wegen, wie sich das gefüget dehains wegs ussgenomen, den schaden allen sullen der vorgenante Abraham Jud sin erben und nachkomen der vorgenanten gemainen gesellen Cristavel an ir statt und in irem namen bezalen und mugen ouch denselben Abraham Juden darumb bekumbern, hefften, pfänden und umtriben an allem irem gut oder, ob sy wend, mögen sy das obgeschriben ir underpfant insunder darumb angriffen, versetzen oder verkouffen an clag und an alle gericht Innerrechtvertigeter pfantwiss, den schaden allen sole er In och bekenen und ablegen gentzlich an Irn schaden, als er diss alles by sinen Jüdischen truwen für sich und all sin erben verhaissen und gelopt hat, war und stät zu halten und ouch diss koufes Ir rechter wer zu sint für allen abgang, yrrung und ansprach menglichs nach der statt Costentz gewonhait und recht an gevärd. Wer och disen briet mit gunst und Urkunde der vorgenempten gemainer gesellen Inn hat, dem und sin erben sol der obgenante Abraham Jud und sin erben hierumb alles des heft und gebunden sin zu gebent und zu tünd und sol im och darumb alle die rechte sich erhalten sin und bedingt als In selb nach Innhalt des briefs ungevarlich. Der vorgenante Abraham Jud öffnet och furo, wie das Im die vorgenanten gemainen gesellen der alten geschlächter zu Costentz die besunder gnad und fruntschafft in diesem kouf von fryem willen unverdingt erzögt und getan hetten, also daz er all sin erben und nachkomen den obgeschribenen zins die zehen guldin geltz samenthafft mit zwain hundert guter und genämer volleswärer rinisch guldin zu Costentz än dem Wechsel wol wider koufen und erlösen mögen umb sy und umb alle Ir erben und nachkomen nu hinnanhin, wenn und welhes jares oder zu welher zit im jar sy wend über kurz oder langzit von jeglichem vorgenanten zil ane den zins und darnach mit dem mit dem gevallen zinss und och mit andern Zinsen und schaden, ob In das denn zumal icht ungewert uss stund an als gevärd den widerkouf sy och allweg tun sond ze Iren handen und gewalt zu Costentz in der statt und gentzlich an allen iren schaden, und dez allez zu warem offem urkund so han ich obgenanter Ulrich Ehinger Stattamman zu Costentz min insigel offenlich gehenkt an disen briet, darunder ich der vorgenante Abraham Jud mich willentlich und vestenclich bind und vergieh ainer gantzen warhait aller dinge von mir geschriben an disem briet, der geben ist an der nehsten mittwochen vor unser lieben frowen tag zu herbst als si geboren ward und in dem jar, als man zalt nach der gepurt Cristi dusent vierhundert zwaintzig und darnach in dem Sibenden jare. 16