Zeitschrift für die Geschichte der Juden in Deutschland · 1936-01-01 · Heft 1 · p. Seite 13

Heymann Chone. Zur Geschichte der Juden in Konstanz Anhang Fryung der Juden ze Costentz Wir Sigmund etc. Bekennen etc. das wir angesehen und betrachtet haben der Burgermeister, Rete und Burger gemeinlich der Stat zu Costentz unsern und des Richs lieben getruen willige und unverdrossen dienste; die sy unsern vorfaren an dem Riehe orrt und dik williklich und getrulich getan haben und uns dem Rieh teglich und fürbas tun sollen und mögen in kunfftigen tzyten und sunderlich die grossen koste und schaden, die sy in dem Appetzeller krieg nehst vergangen gehebt und erlyten haben und haben dorumb und ouch durch ir flisziger bede willen mit woibedachtem unt gutem rate und mit rechter wissen die Juden ytzunt by Jn wonhaftig uns und des richs Camerknechte, mit namen Ysaak und zwen sin tochterman, der genant Hyel der ander Gotlieb, Salman, Lazarus, Gütlen und Löwen iren sun, Abraham, Samueln, Kirsman, Rösel Judinn und Aaron mit sampt Jren wiben und kindern in uns und des richs schirm und geleytte gnediklich empfangen, und wann sich diesz Juden ytzunt. zu unsern und des richs diensten underteniklichen bewyset haben, dorumb haben wir Jn ouch dise nachgeschribene gnad getan und tun Jn die von Romischer cuniglicher macht in krafft ditz briefs, daz si uns und unsern Nachkommen an dem rieh die nehsten 12 jar, die nach Datum dietz briefs an einander kommen werden, soüch halb Judensteuer und ouch guldinopferpfenig als uns oder unsern Nachkomen an dem Riehe von Jn geburet. hetten, gentzlich und gar ledig und uns zu geben erlassen sin sollen, doch unschedlich den vorgenanten von Costentz an Jren stüren. Item und daz sy ouch nichts angeen sol, ob wir oder unsre Nachkomen in den vorgenanten 12 jaren von andern juden oder Jüdinnen in dem rieh wonenden fürbas ichts vordem oder nemen wurden, es were Schätzung, steure, bede oder anders, und ob hernach geschehe, daz wir durch manigyaltige unserer und des richs Sachen willen domit wir an underlas beladen sin, diesz unser gnad nicht indenk sin wurden und yeman durch betewillen uf den vorgenanten Juden und Judinnen ichts geben oder verschaffen wurden, es were die vorgenante halbe stüre, guldinopferpfenig oder anders, meinen und wellen wir, daz sie dannacht bi diser unser gnad beliben sollen von allermeniklichen ungehindert. Item wann ouch diesz Juden und Judinnen in uns und des richs Camer gehören, darumb meynen und setzen wir, daz nymant wer der ist sy gemeinlich oder sunderlich fürbazmer laden, fürvordern, urteil über sy sprechen oder ächten soll, es sy an unsern und des Richs Iantgericht zu Rotwil oder andern lantgerichten oder gerichten, wo die gelegen oder wie die genant sint. Nemlich daz sy ouch kein Judenmaister in den Jüdischen Ban legen sol, sunder wer zu Inen gemeinlich oder sundelich ichts zu sprechen oder zu klagen hat, der sol Recht von In vordem und nemen vor dem Rat oder des Ammansgerichts zu Costentz, und ob da wider an lantgericht oder andern gerichten oder ouch von Judischen meistern oder von yemant anders ichts getan wurde, das nemen wir itzunt abe und wellen, das In (en) das keinen schaden brengen solle, und gebieten dorumb unserem und des Richs lantvogt in Schwaben, der ytzunt ist oder hernach sin wirdet und allen andern unsern und des richs Edlen undertanen und getruen ernstlich mit diesem brief, daz sie die vorgenanten Juden und Jüdinnen by den vorgenanten unsern gnaden hanthaben, schirmen und gerulich beliben lassen, als lieb etc. geben ze eure des fritags nach des heiligen crutzes tag exaltationis. Ad. mand. dorn. Regis Michel de Priest. Aus: Haus-Hof-Staatsarchiv Wien. Reichsregistratur E 62 v und 63r. Regest, in Urkundenbuch der Abtei St. Gallen, Band V, Nr. 2576 vom 15. September 1413. 13