Zeitschrift für die Geschichte der Juden in Deutschland · 1935-01-01 · Heft 2-3 · p. Seite 160

Moritz Stern. Der Wormser Reichsrabbiner Anselm Wir Conrad, herre zu Winsperg, des heiligen Römischen richs erbkamrer, thun kunt allermenglichen mit diesem brieffe: Als der allerdurchluchtigest furst und herre, herre Sigmond, Römischer keyser und zu Hungern, zu Behem, Dalmacien, Croacien etc. kunig, unser allergnedigester lieber herre, uns volle und gancze macht gegeben hat über alle Jucüscheit, in dem heiligen Römischen riche wonhafftig und gesessen, und auch Jüdische meister, die dy Juden ir rabi nennen, zu seczen und zu entseczen, einen oder mere nach unserm gut bedunken imd wolgefallen, als dann siner keyserlichen gnaden majestatbrieff, uns darumb und darüber gegeben, clerlichen und volliclichen inneheldet, also sint wir gar gleuplichen underwyset worden von erbem frommen Cristen und viel Juden, die man vaste für fromme und erber heldet, wie daz Anßhelm von Coln, rabi, gesessen zu Würmß, vast ein wolglerter und ein frommer Jude sey, und dorumb so haben wir daz angesehen und haben den vorgnanten Anßhelm zu einem obersten meister und rabi gemacht und geseczt in diesen nachgeschrieben bistumen und landen. [1] Machen und seczen den auch in crafft und macht diss brieffs an stat und von wegen des vorgnanten unsers gnedigesten herren des keysers, als uns dann daz von sinen gnaden ze tunde gancze und volle macht gegeben ist, als oben berurt und geschriben stet, alles datz ze tunde, zu handeln und dem nachzugeen, als dann einem obersten meister und rabi des heiligen richs under der Judischeit nach Jüdischen rechten zugehort und gebürt ze thun, noch siner besten vemufft und verstentnyß und zu richten dem armen als dem riehen weder umb gäbe, myette, forcht noch fruntschaft, nyeman zu liebe noch zu leyde, alle geverde und argeliste ussgescheiden, und auch des heiligen richs gülte, feile und buss, wo er daz weyss und erferet, getruwelichen inzefordem und darczu ze thunde, als einem obersten meister und rabi des heiligen richs zugeburt und zugehort, und auch uns als des heiligen richs erbkamrer daz furbringen und zu wissen tun sol, wann und wo sich das also fugen und machen wirdet. [2] Und wir gebietten auch allen und yglichen andern rabi, Juden und Jüdin, wo die dann wonhafftig und gesessen sein in dem heiligen riche, an stat und von wegen des obgnanten unsers gnedigen herren des keysers und auch von unsers ampts wegen als des heiligen richs erbkamrer, und besunder in den hernach geschriben bistumen und landen, den obgnanten Anßhelm von Colne, rabi, also für des heiligen richs obersten rabi zu haben und zu halten, dem auch gehorsam zu sein in allen Sachen, so dann einen solichen rabi des heiligen richs zugehort und zugeburt, by der pene des heiligen richs camern. Und wo auch der megnant rabi hinschribet andern rabi, Juden und Jüdin, inwendig und usswendig disser bistume und landen gebutet und den bane verkündiget, er sey über Juden oder Jüdin, ir sey einer oder mere, nach Jüdischem rechten und gesecze, daz sy den oder dye auch fur bennyg hann und haben sollen und daz auch andre rabi iren banne auch über den oder die also thun sollen, als offt sich das gebürt. Und weme er auch den banne also wyder entslechte, der sal auch davon entsiahen und ußer banne sein und die andern rabi ine oder sye auch usser banne thun, wann ine daz geschriben und gebotten wirdet von dem vorgnanten Anßhelm rabi. [3] Wir haben auch demselben Anßhelm, rabi, unsers gewaltesbrieffes, den wir von unserm vorgnanten gnedigen herren dem keyser haben, die vorgeschriben Sachen andreffende, eyn bewerdt und warhafftig vidimus gegeben under der erbern wysen der burgermeister und rates der stat Wickerssheym, unserr besunder lieben, anhangenden insigel, damit zu bewysen und zu bezeugen unsem und fürbass sinen gewalt, den wir ime dann gegeben haben, als vorgeschriben stet. [4] Auch so soll der vorgnant Anßhelm, rabi, den vorgeschriben gewalt also haben, als lange wir den gegen ime mit unserm offin briefe uit wyderrufft haben. [5] So sint diß die bistum und lande, da er solichen vorgeschriben gewalt haben und des heiligen richs oberster rabi sein soll und dafür gehalten soll werden by der pene des heiligen richs camern, nemlichen in den erezbistumen und bistumen Meincz, Colne, Tryer, Bremen, Bysencz, Losann, Worms, Spier, Hildenssheym, Basel, Strossburg, Mecze, Monster, Uechtricht, Costencz und Verden und den landen Elsas, Gulich, Gelre, Berge, Cleve, Saphoye und in der Clefischen Mark. Und des alles, als vorgeschriben stet, zu einem rechten, waren urkunde geben wir dem obgenanten Anßhelm, rabi, diesen briefe mit unserm anhangenden ingesigel versigelt, daz wir mit rechter wissen daran haben thun hencken, der geben ist, als man czalt nach unsers herren 160