Zeitschrift für die Geschichte der Juden in der Tschechoslowakei · 1931-03-01 · 3 (März 1931) · p. Seite 197

Chomethav in andre hende komen wurde, auß was Ursachen das geschee, das sie alsdan dem ader demselben, an den die genanth herschafft komen salt, nicht p f 1 ic h t i g s e y n n eyncherlaye gelubde noch haldung zu thun nach yne eynlassen, es sey dan, das yne vor solche alle unnd yczliche begnadung und verschreibung in diesem brieffe begrieffen genugklich unnd nach aller notturfft gantz unnd gare bestetiget und befestiget werde, solche oben bestympte stuck und artickell dieser aller verschreibung globen wir obenbestympte herrnn Sebastian und Peter herrnn von der Weyttmulle etc. für uns alle unoisere erben erbnemenn unnd nachkomen herrnn zu Chomethaw zu ewiegen geczeiten an alle argelist, wie die menschen syn ertichten mochte, stette unverruckt zu halden unnd gehalden sali werden getreulich an alles geferde. des zu merer sicherhait unnd ewiegen geclechtnuß haben wir obgenanthen herrnn von der Weyttmulle etc. unsere aygene ingesigell für uns unser erben erbnemenn und nachkomen herrnn zu Chomethaw wissentlich an diesen briefe hengen lassen und darneben gebeten den edellen und wolgeboren herrn Ihan burgraffen herrnn von Dona und auffen Wokorz gesessen eic. und die edellenn vehsten Sigmundt Passinko von Trayanowicz unnd Walthazar von Liebenaw die czeitt hauptman zu Chometaw, das sie ire ingesigell neben den unsernn an diesen brieffe gehangen haben zu eyner mererenn geczeugnuß unnd sicherhait, doch yne und iren erben und ingesigell an schaden, der geben ist nach Cristi umsers lieben herrn geburth in den funffczehen hunderth und siebenczehendem jare am mitwoch mach dem suntag quasi-modogeniti. Original auf Pergament mit 5 Siegeln an Pergamentstfeifen im Stadtarchiv Komotau. 197