Zeitschrift für die Geschichte der Juden in der Tschechoslowakei · 1931-03-01 · 3 (März 1931) · p. Seite 196

dadurch in armutt und ungeden komen sein, solche ire mierckliche beschwerung von yne gnedigklich abzuwenden, haben sie uns durch furbete vier guten frunth, auch durch sich selbst, demuttigklich angelangt und mit fleyß gebeten, yn und iren erben erbnemen und nachkomen eynwonern die obgenanthe stadt Chomethaw solcher beschwerung gnedigklichen zu entledigen und sie als ire erbherrn mit freyheiten zw begnaden der masse, das in zwkunfftigen ewiegen geczeiten keyn jude bey yne wonen sali, darfur sie uns den auch als unthertane yren erbherrn wie hernach volgt gethan haben solcher irer guter frunth furbete, auch ire fleyssige manfeldige ersuchung und, das sie unnter unser herschafft dodurch beqwemlicher zunemen und iren gemeynen nutcz in guten wesen bleiben mochte, auch iren beraiten untterthanigen willen und getrewe unverruckte dinstperkait, domit sie sich gegen unseren lieben vaterenn seligen und allen iren vorfordernn irer herschafft und auch gegen uns alleczeit in auffrichtiger frunckhait verhalden haben, angesehen unnd betracht, haben solcher irer beschwerung der juden zu herczen genomen als ire erbherrn umb ein suma geltz, nemlich vierhunderth schock auff schwerthgelt gerechent, die sie uns berait und zw guthen dank gentzlich entricht und beczalt haben, mit yn als unsernn getrewen unterthanen gnedigklich beredt und gantz entlichen vertragen haben, gereden auch geloben und versprechen mit crafft dietcz unsers brieffs für uns unser erben erbnemen und nachkomen herrnn zu Chometaw, das kein jude nymermere zu ewiegen zukunfftigen geczeiten bey ine wonen nach hewßlich sitczen sali in der Stadt nach vor der stadt auch auff unsernn guethernn der herschafft Comethaw, auch s a 11 e n sie keynen handel hantyrung nach gewerbe und hantwergkt in der stadt nach vor der Stadt treiben, darinnen wir sie schutczen und handthaben wollen als ire erbherrnn. [Bs folgen anderweitige Begnadungen] solche alle stuck punckt und artickel und die begnadung die sie haben die stathafftiger krefftiger unnde unverruckter zu ewiegen geczeitten gehalden sali werden, haben wir ine diese macht geben, geben yne sie volkomlichenn hiemit und in krafft dietcz brieffs: soin zukunfftigen geczeiten sich begebe, das die genanth unser herschafft Chometaw auß unserenn geschlechte als der herrnn von. 196