Jahrbuch für die Geschichte der Juden und des Judenthums · 1860-01-01 · Heft 1 · p. Seite 270

271 richtet worden, waß maßen Sie von vnseren Vorfahren Herrn Vettern vnd Vattern weylandt Kayser Matthias in christmiltester gedechtnus erstlich vnder dato Prag den 2. Novembris verwichenen 1612 vnd dan zum andern von 5. Xbris verflossenen 1613 d. Jahres zu Lyntz auß sonderbahren bewegenden Vrsachen sampt Iren Hauß vndt brothgesindt vnd deren aller leib, haab vnd guetter in gnedigster protection schütz, Schirm vnd Versprach gnedigst aufgenomen vnd empfangen vnd Inen dan zu Vnser vnd des heyl. Neichs frey Sicherheit vnd glaidt für gwalt zum Rechten der gestalt gegeben vnd mitgetheilt hatten, daß Sie mit Iren Weib, Kindt, hauß gesindt vndt brothgenossen, haab vnd guetter in Vnserem vnd des heyl. Reichß Versprach Schutz, Schirm frey Sicherheit vndt glaidt sein vnd sich derselben vnuerhindert menigliches geprauchen sowol auch im heyl. Römischen Reiche vnd Vnsern Erbkönigreich vndt landen aller Ortten wo Juden vnd Jüdin sich aufhalten für ihr einkamen, wohnen, Hausen, Handtieren vndt an solch Jrer Handtierung vnd Iren jüdischen Ceremonien geprauch vnd begräbnuß, wie auch sonsten wieder gemainer Judenschaft habenden Kays. Freyheit vnd Reichsconstitution keineßwegs beschwert gehindert, sondern allenthalben im römischen Reiche zu Wasser vnd landt frey sicher ohne Jüdische Zeichen durchpassiren handlen, wandlen vnd sich derselben jüdischen Ordnung vnd Freyheit so die gemaine Jüdischheit von vns oder vnsern Vorfahren am Reich haben gebrauchen sollen vnd mögen alles Poen 30 Marklöttigen golds vnd ohne menigliche Einrede oder Verhinderung maßen vnß die abgedachten Juden solch letzten von Kayser Matthias erlangte- Schutz, Schirm vnd Glaidtsbrief in vndthenigsten gehorsam fürgepracht vnd vns daneben demuetigest angerueffen vnd gepetten haben, daß wir alß Römischer Kaiser solchen abgehörten Schutz vnd Schirmbrieff von Kays. Machtvollkommenheit in allen dessen Inhalt, Main vnd Begreifung nicht allein gnädigst Consirmirt vnd bestätigt sondern denselben auch in