Jahrbuch für die Geschichte der Juden und des Judenthums · 1860-01-01 · Heft 1 · p. Seite 245

246 gültig sein, stäth, vest vnuerbrüchlich gehaltten vndt volnzogen werde vndt sich gemelte gemaine Judischhait inns gemain vndt insonderhait desselben alles Jres Inhalts frewen gebrauchen und genießen sollen vndt mögen von allermeniglich vnuerhindert. Vnd gebietten darauff (all löngum) ins Reich in was würden, Standi oder Wesens die seindt Insonderhait aber, den Ersamen, Vnsern vndt des Reichs lieben getrewen N. Bürgermeister vndt Rath der Statt Frankforth am Mahn gegenwerttig und zukünfftigen Ernstlich vndt vestiglich mit diesem Brieff vndt wollen daß sie gemelte Frankfortische Judischhait tns gemaine vndt absonderlich bey obgeschriebenen Kaysers Matthias Inen erthailten Freyhaits vndt begnädigungsbrieff vndt dieser Vnserer kays. ernewerung Confirmation vndt bestättigung alles Jres Jnnhalts gerhuewiglich verbleiben, deren frewen gebrauchen vndt genießen lassen, auch von Vnsert vndt deß h. r. Reichs wegen, darbey vestiglich handthaben, schützen vndt schirmen vnd sie daran nicht Irren noch verhindern, auch hierwiden nicht thuen, noch daß yemandts andern zn thuen gestatten in kam weiß noch Wege, alß lieb einen yeden sehe vnser vndt -des h. Reichs schwäre vngnadt vndt Straffe vndt darzu die Poen in obhöchst gedachtes Kaisers Matthias k. Brieff begriffen zu uermeiden, die ain yeder, so oft er fräuentlich hierwieder thäte, vnß halb in Vnser vndt des Reiches Camer vndt den andern halben thail, gemaine Judischhait zu Frankfort vndt denen so hierwieder belaidigt wurden, vnnachlässig zu bezalen verfallen sein solln. Daß mainen wir ernstlich. Mit Vhrkundt dieß Brieffs beflgelt mit Vnserem kays. anhangenden Jnsiegel. Datum Wien, den 2. Martj 1621. Ferdinand. ^6 msnä. I. S. Pucher.