Jahrbuch für die Geschichte der Juden und des Judenthums · 1860-01-01 · Heft 1 · p. Seite 244

245 uermeiden, die ein Jeder so offt er sreuentlich hinwieder thete, Vns halb in Vnserer Cammer vndt den anderen halben Theil viel berührten Judischait zur Frankfort a. M. Vm.».rchlesfig zu bezahlen verfallen sein sollen. Mit Vrkundt dieß Brieffs versigelt vndt vnser kayserlich anhängendes Jnsiegel der geben ist auff unserem kayserlich königlichen Schloß zu Prag den dreyzehenden tag des Monaths November Nach Christi unseres lieben Heren vndt Seligmachers Geburt Sechszehen hundert vndt im zwölfften Vnserer Reiche des Römischen im Ersten des Hungarischen im Vierten vndt des Böheimischen im andern Jare. Matthias. Ad mand. rc. I. S. Pucher. Vnd vnß darauff gedachte Judischait zu Frankforth, dremuettiglich angerueffen vndt gebetten, daß wir Inen ob einuerleibten Freyhaitsbrieff vndt Priuilegium als hetzt regierender Römischer Kayser zu ernewern zu confirmiren vndt zu be-- statten genedigelich geruheten. Daß haben wir angesehen solche Ire diemuettig zimbliche Bitte vndt darvmb mit wolbedachtem mueth, guettem rath vndt rechtem wissen, gemelter gemainer Judischait zu Franksorth obinserirtes unseres geliebten Herrn Vettern vndt Balters Kaisers Matthias rc. erthailte Priuilegium vndt Freyhaitsbrieff in allen seinen Wortten, Puncten, Claußuln, Jnnhaltungen, Mainungen vndt Begreiffungen als hetzt regierenden Römischen Kaiser genedigelich ernewert Confirmirt vndt bestattet. Ernewern. Confirmiren vndt bestätten Inen denselben auch hiemit, auß Röm. Kays. Machtvollkommenheit wissentlich vndt wolbedächtlich in Crafft dieß Brieffs waß wir Inen von rechts und Billichkait wegen daran zu confirmiren bestatten vndt ernewern sollen vndt mögen. Vnd mainen sezen vndt wollen, daß obinserirter Freyhaitsbrieff vndt begnädigung in allen vndt yeden seinen Wortten, Puncten, Clausulen, Jnhaltungen, Mainung vndt Begreiffungen, kräfftig, mächtig vndt