Programm · 1911-01-01 · 1911 · p. Seite 46

— 46 — freiheiten vnd gewonheiten, alse sy vnd ir eidern von alder her komen sint on alle geuerd. Vnd douon wellen vnd gebiten wir besundern vnserm lantuogte der itzunt lantuogt ist in der Weterye adir wer zu zeiten landuogt were, vnd allen vnsern vnd des reichs lieben getrewin, furstin, grauen, herren, freyen, dinstlewten, rittern, knechten, edlen vnd vnedlen, wi di genant sint, bey vnsern vnd des reichs hulden vnd vnsern kuniglichen gnaden, das si di selben vnsir burger vnd stat zu Frankenfurt vnd di juden, di wir in verpfendet vnd versatzt haben, besament vnd besundern, von vnser vnd des reichs wegen schirmen vnd schüren vnd das sy nymand leidige, schedige adir betrübe an irem leib vnd an irem gute, vnd wer in dorubir dise vnser gnade vbirfure vnd si schedigte an irem leibe adir an irem gute, der vyle in vnsir vnd des reichs vngnade. Ouch heizzen vnd gebiten wir den burgern der vorgenantew stat zu Frankenfurt besament vnd besunder bei vnsern vnd des reichs gnaden, wer es das ymand, her were, wer her were, di bürgere vnd di stat vnd di juden dorubir beswerte vnd gewalt vnd vngenad an sye adir an ir gut legen weiden, das sie der widir sin vnd das weren, als verre als si kunnen vnd mügen on alle geuerd, vnd teten sy icht dorwidir vnd widirfur do ymand icht, her were, wer her were, das teten sy von vnsirm gebot vnd heizze, vnd sullen dorumb nymand zu rechte adir zu antworte sten, vnd wellen vnd sullen wir vnd vnsir nochkomen an dem reiche sy des verantworten vnd in dortzu beholfen sin, wo in des not ist. Alle dise vorgeschriben stucke vnd ir igliches besunder geloben wir mit vnsern guten trewin vnd vnsirn kuniglichen gnaden stet vnd veste zu haldene vnd wir adir vnsir nochkomen an dem reich adir nymand von vnsern wegen sy doran nicht zu hinderne in keinen weis on alle argelist vnd geuerde. Mit vrchund ditz briues versigilt mit vnserm kunglichen ingesigil, der geben ist zu Frankenfurt noch Crists geburth drewzehen hundert vnd nevn vnd viertzig jar, an dem nehisten donrstag noch sante Johans tag baptisten, im dritten jar vnsir reiche etc. Orig.-Urk. des Frankf. Stadtarch. Priv. Nr. 87 auf Perg., das kgl. Siegel unversehrt, in gelbem Wachs gedr. abhangend. Registraturvermerk auf der Rückseite aus späterer Zeit (der Schrift nach aus dem sechzehnten Jahrh.): Kaiszer Karls verpfendung der juden mit aller nutzung vnd dienst vmb 15 200 Pfund 1349. Darunter (gleichzeitig): Judden. Gedruckt bei Senckenberg Selecta iuris et bistoriarum. Tom. I S. 634—644 (an manchen Stellen fehlerhaft). Eine Kopie dieser Urkunde befindet sich im Frkf. Stadtarchiv Ugb. E 43. Ihre wort« getreue Übereinstimmung mit dem Original beglaubigen am 8. Juli (St. Kilianstag) 1370 Michel, Herr zu Bickebach und der Edelknecht Philipp von Hohenstein durch Anhängung ihrer (gut erhaltenen) Siegel an die Pergamentsurkunde.