Programm · 1911-01-01 · 1911 · p. Seite 45

— 45 — wer es, das wir vns vergezzen vnd es dorubir teten vnd vnsir briue dorubir geben, wellen wir, das das alles ab sei vnd das di briue keyne macht noch craft sullen haben. Hetten wir ouch vor ymand keine gnad getan vnd hetten im icht gegeben vf den selben juden adir vff irem gute odir an irrer scholt, wellen wir, das das ab sei, wan wir vndirweizet sein, das di juden sulche gnad vnd freiheit von dem reiche haben, das wir des nicht tun ensullen, es wer dann mit irem guten willen. Wir wellen ouch, das nymand di selben juden besament odir besunder ensal laden noch eyschen an geistlich noch an wertlich gerichte noch für vnsir gerichte noch vur vnsern vbirsten camerer noch für vnsern houerichter adir für nymand; dan hat in ymand icht zu zesprechen, der sal recht von in nemen vor vnsern schultheizzen vnd scheppfen zu Frankenfürt an gerichte vnd andirs nirgen als von alder gewönnen ist gewesen; lüde adir ysche sy dorubir ymand, es were wir adir wer es were, an was gerichte das were, das ensullen sy nicht verantworten; ginge abir dorubir kein vrteil, das ensal keine macht noch craft haben. Wer es ouch, das wir odir vnsir nochkomen an dem reiche di juden von vnsern vnd des reichs burgern zu Frankenfurt adir iren nochkomen lösten, wanne sy dann loz weren, so sullen sy dornach zwene monde sitzen von vns adir von vnsern nochkomen an dem reich adir von eime yglichen von vnsern wegen vngeleidiget vnd vm(!)beschediget. Wer es ouch, das got nicht enwelle, das di juden von todes wegen abgingen adir virterbit adir dirslagen wurden adir enweg füren, es were wo von es were, adir queme, wo von es queme, dorumb ensullen wir adir vnsir nochkomen an dem reich adir nymand von vnsern wegen vnsern vnd des reichs burgern vnd stat zu Frankenfurt adir iren nochkomen besament adir besunder nymmer zu-gesprechen, noch si dorumb geargewenigen noch an sy nicht fordern, dann diselben vnsir vnd des reichs burger zu Frankenfurt adir ir nochkomen sullen an der selben juden gut griffen, an ir eygen, an ir erbe, an ligende, an farende adir vlizzende, wo sy das finden, besucht vnd vnbesucht, vnd sullen das gut vervzsern, verkoüffen, adir versetzen, wi sy mügen adir wellen, also verre vnd also vil, das si ir gelt mit namen fünftzehen twsent pfunt vnd zweihundert pfunt haller an guter werung vfgehoben 4d angenemen, daiftr irir in di juden ™d ir gut verpfendet vnd versatzt haben; blibe da icht dar vbir, das sullen di burgermeister, wer zu der zeit burgermeister sint zu Frankenfurt, vns vnd dem reich behalden, vnd des sullen wir iren trewin gelouben. Ouch sullen vnd wellen wir vnd vnsir nochkomen an dem reich di selben juden di itzunt zu Frankenfürt sin, adir hernach darzu wonende komen, schirmen vnd schüren, ir leib vnd ir gut besament vnd besunder vnd sy behalden bey allen iren rechten,