Monatsschrift für Geschichte und Wissenschaft des Judentums · 1907-01-01 · Heft 2 · p. Seite 218

218 Ein Beitrag zur Geschichte der Juden in Braunschweig. unde se bistunden alle der yodeschen scrift unde seden, dat de dudesche scrift hedde datsulve alle ynne, dat in der yodeschen scrift gescreven stunde, unde anders nicht, unde Ysaac ergescreven en dorffte Yosepe nicht antwerden to alsulker schulden ergescreven. Hir weren an unde over de ersammen her Ludelff Zankenstede, canonicus uppe sunte Mauriciis berghe vor Hildensem, her Hinrek Tacke, unses heren bisschopp Magnus to Hildensem scriver, de desulve unse here bisschopp Magnus ummejosepes willen, des yodden vorgescreven, darby gesand hadde. Ok weren darby van des menen Rades weghen to Brunswig Ghereke Pawel, Ffricke van Twedorp unde Tidericus Fritze. Unde desse vorgerorde dudesche scrift ludede van worden to worden aldus. Eyn gedenckenisse, tuchnisse, dat is gewest vor uns an deme vefften dage in der wekene, an deme ersten daghe in dem hardenmane,1) in deme jare, do men talde viff dusent unde hundert unde viffundeneghentich na geschippnisse der werld nach der tale, alse wij irtellen, alhire in der stad Brunswich, wu is gekomen vor uns Joseph Moses sone unde sprak to uns: Weset over my tughe unde nemet up van my eyn gans upneminge, unde bescrivet, so gy best kunnen, unde besegheld dat, unde ghevet dat Ysaacke Morticheydes sone unde synen erven, to wesende in orer hand to ener bewisinge, dat ik hebbe gewillekoret myd willen mynes lyves, ungedwungen, mit gantzem herten, mit begherendem lyve unde mit gantzem synne. Nu do ik to wetten vor gik in ener gantzen bekantnisse, warhafftich unde stede, dat ik loslaete Ysaacke, Morticheydes sone vorgescreven, unde syne erven van A) Altdeutsche Benennung für den 1. Monat (Januar), s. Zeitschritt für hebräische Bibliographie VIII, 1904, S. 114 (»Hartman«). Es sei hier bemerkt* daß bei Jaraczewsky, Gesch. d. Jud. in Erfurt,. S. 94 f. sub XVI eine Urkunde aus dem Jahre 1436 mit hebr. und deutschem Datum abgedruckt ist [ebenso eine andere von Montag,. 5. Nissan 5195 4. April 1435 in meiner »Gesch. der Juden in