Monatsschrift für Geschichte und Wissenschaft des Judentums · 1884-01-01 · Heft 4 · p. Seite 190

wider ir gegeben freihait gehandelt furbracht sind, darauf durch gemaine landtschafft beschlossen ist, das die juden nachvolgender masz geurlaubt werden sollen, bevelhen wir euch, das ir allen juden, die bei euch in unserm ambt wonen, sagen n. daran sein wollet, das sie zwischen hie n. weihenachten (Dec. 25.) nechtskunftig ausz unserm furstenthumb und landt ziehen und mitler zeyt nyemandt nichtz mer leihen, sunder allein ire alte schulden des haubtgeuts on einich gesuch oder wucher, das auch kein Wucher zu haubtgut gemacht sey, einbringen, darczu ir inen doch auff gutte rechte redliche rechnung vor euch dem amptman, castner, vogt und zwaien ausz dem rate’ und der gemeind zuthun getreulich hilffen, ir sollet auch ernstlich verfugen und daran sein, das kein jud von statten gelassen werd, der sey dann zuuor mit uns allenunsern underthanen und verwandten entlieh und genntzlich vertragen, und welicher jud zwischen hie und weihenachten etwas weiters hinleihen wurd, dem soll derselben newen schulden nit verholten, und ob sich ainicher oder mer juden hinder die vom adel oder bey unsern furstenthumben und landen gesessen begeben wurden, der oder dieselben juden sollen in unsern furstenthumb und landen nit hegelaytett, beschützt noch beschirmt werden, auch kains unsers glaits, schütz noch schirms empfengklich noch genieszlich sein Und dieweil man gemelten juden allain das haubtgut vor geliehener schulden beczalen und weytters hinlehens nit gestatten, oder so sie hierüber was hinliehen, desselben nit verhelfen, soll inen der zinss, so sie uns zu 8 ant Mertinstag (10. Nov.) fellig, aus gnaden nachgelassen und allain der zinsz auff Wal pur gis (Mai 1.) von inen genommen werden; das wollet also allen juden auch verkünden sich entlieh darnach wissen zeriehten und sie mit-