Monatsschrift für Geschichte und Wissenschaft des Judentums · 1861-01-01 · Heft 7 · p. Seite 251

in der ,Residenzstadt Hannover, 251 Allergnedigster 11er, E.Ro. Kay. Maj. konen mir armen eilende die hochgedrunge noth noch In allervnterthenigst Clagend nit verhallten, Dos etwa, etliche Juden Zu ainbek In widerwillen mit anander gekomen vnd erwachsen sein vber solchem hahen die durchleuchtigen hochgebornen fürsten vnd Lern, hern Wollfgangk vnd*.hern philips' gebruder Hertzogen Zu Brunschwig vnd Lunenburg. etc,'allen Juden vnd Jüdinnen den freyen pass In deren furstenthumb verbothen, Welchs Vns armen In vnserm hin vnd wider raisen In merklichem grossen nochtaill, schaden vnd verhindernis geraicht, So dos auch etliche darüber vmb Ir leben, Zu gefengknes vnd vmb grosz gelt gekomen sein, Auch vnsern von Römischen Kaisern Zu Kais er en hochloblicher Seligster gedechtnis hobenden brifilegien vnd begnodlung gantz entgegen vnd zuwider, der sich E. Rom. Kay. Maj. allergnedigst Zu erJniren, das geinaine Judischait Im Römischen reich wi bemelt von Kaisern Zu Kaisern hochloblichster Seligster gedecktnis, beg'nodet und befrayet sein, Dos kainem Juden oder Jüdin der freye pass ,*'so weith das römisch reich vmb die eilten ge- •wonlichen Zoell von kainem Churfursten fürsten oder nimantzen kaineswegs nit gewaigert noch verpothen werden solle, bey vermaidung hoher zeen, welche prifilegien, freihait vnd begnodiung E. Ro. Kay. Maj. auf Jungst gehaltenem reichstag Zu Augspurg gemainer Judischait Im Römischen reich allergnedigst confirmirt, bestettigt vnd vernewett haben, vnd damit mir orme gemaine Judischait bei gedockten vnsern hobenden brifilegien, freyhaitten vnd begnodiung allergnedigst gehandthobt vnd erhallten werden, So gelanget an E. Ro. Kay. Maj. vmb gots willen vns er allervnterthenigste Bit vnd anrufen, die wollen bey hochermelten beden Hertzogen von Brunschwig etc. die ollergnedigste einsehung vnd beschafung ollergnedigst thun, dos wir In bemelten Furstenthumb en• Vnser nottorft vnd gelegenhait noch vmb die *ollten gewonliche Zoel wie zuuoren onbehindert vnd onbe- . schwerth wider frey, sicher raisen und passiren mögen, Damit auch E. Ro. Kay. Maj. ferer anlaufens deswegen geuberigt verbleiben, dan wie woll für etlich vnd 20 Joren weilland Churfürstlich gnod von Sachsen etc. Vns auch solcher pasz verpotten, ober doch In kurtzer Zeit dornoch auch wider erofneth geschoft worden. Solch8 wollen vmb E. Ro. Kay. ׳Maj. glugk Seligs langwirigs woll regiren vnd gesunde mit vberwindung desz erbvainds Vnd oller widerwertike Zu got dem allmechtigen hochstes andochts Zu bitten, mir olle die allervntertkenigsten gehörsamsten onu erg essen beflissen sein, E. Ro. Kay. Maj. ollervnterthenigste niderhoftigste N. N. gemainer Judischhait Im Römischen reich, obgesante. (Auf dem Umschi, ist als Dat. angegeben 25 Febr. 70. Exp. 6 Martin) (Nach einer im königl. Archive zu Hannover befindlichen Abschrift.)