Bericht des Jüdisch-Theologischen Seminars Fraenckel'scher Stiftung · 1910-01-01 · 1910 · page 56

Anhang VI. Aus den Akten über den Jägerndorfer Judenmord. (Kgl. Allgem. Reichsarchiv zu München: Brandenburg, CCIII, fase. 4, fol 120 ff.*) 1. Bericht des Hauptmanns und Kammerschreibers Hans Jordan in Jägemdorf an den Markgrafen Georg in Ansbach. Durchleuchtiger hochgebornner furst vnnd herr, Eur frstl. gn. sein vnnser vnderthenig gehorsam schuldig vnnd gantz willig dienst allzeit mit vieis zuuor, gnediger herr. Eurn frl. gn. geben wir jnn vnderthenigkait zu wissen, das kurz versehiner tag alhie ain weibs person, welliche jr aigen Eelicher man Eebruchs halben beclagt hat, gefengklich eingenomen vnnd volgend am pranger peinlich gestrafft vnd E. F. Gn. Lannds verweist worden ist. Dieselbige weibsperson hat ein ander weib, die schkarrin genant, beschuldigt, das sie durch jr anraitzen vnnd hilf zw dem sundlichen Laster des Eebruchs verursacht wordenn vnnd komen sey, auf solliche betzicht ist gedachte schkarrin auch gefengklich eingenomen vnnd, dieweil sie dann bey menigclich alhie, je vnnd alweg für ein leichtfertig mensch an־ gesehenn, auch jm werck erkant wordenn, jst sie vmb geübter kupplerey vnnd jres leichtfertigen bösen wandeis, vnnd sonnderlich vmb erfarung willen anderer mißthaten, dartzue jr böser wandel bey menigclich grossen verdacht gebenn. nach gehabtem Rathe vnnd bedenncken mit der scherpf zimblich angegriffen, also hat man durch sie, zw dem, das sie für jr person mit zaiberey den menschen zw schaden vnnd nachtail gehandelt, ein erschrocklich that, von abraham juden zu Lubschitz, welcher vonn eur f. g. vber die anndern [Juden] ein oberster sonndern beuelch gehabt .... that er zuuerderbung der Christen] vnnd geuebt, erkundigt. sein drey andere weibs personen .... beschuldigt, auch derhalb vberwunden, vnnd sambt jr nach ausseg vnnd beuelch E. F. G. halsgerichts Ordnung durchs feuer vom leben zum thot gestrafft worden. Auff solliche der Schkarrin bestendige vrgicht ist Abraham jud gefengclich eingenomen, volgends der schkarrin vnder äugen gefurt vnnd guetlich bespracht *) Das Aktenstück hat durch Nässe und Moder bereits sehr stark gelitten, wodurch zahlreiche Stellen, wie im vorliegenden Texte angedeutet ist, unleserlich geworden sind.