Jahrbuch der Gesellschaft für Geschichte der Juden in der Čechoslovakischen Republik · 1935-01-01 · 7 (1935) · page 185

von Lichtenstadt, wegen 4000 Seh. Capital betreffende ganz völliglichen cedirt vnndt abgetreten, jedoch mit dieser Condition vnnd Meinung, das er gedachter Lazarus Aron künfftig, wie es annderen Gleubigern mit der Bezalung an Capital vnnd Interessen ergehen wirdt, selbige er sich auch darnach zu richten vnnd zu getrösten haben mag. Diß also auff beider Parthen Begehren in daz Prothocoll bey e. e. Rath verschrieben vnd dauon Abschrifft erteulet worden. Am dem Ratsprokokollbuche von 1628—1629, S. 14v. 136. 1628 November 28. Zeugenaussage dreier Komotauer wegen Weizenkaufs bei einem Eidlitzer Juden. Dinstags den 28. Nouemb. 1628. Zeugnuß zu Notturfft Hannßen Trabschuchs wegen Hanß Eberles Schuldt bedreffende. Lorencz Kürschen zeuget bei seinen erinnerten Aydt vnnd gueten Gewißen, das es wahr vnd ihm guet wißendt, das Hanß Trabschuch von Isac Jueden 10 Str. Weiz geborget vnndt ihme dem Hannß Eberle hinwiederumb vorgestreckt, so daz Str. pro 3 Sch. 15 Gr. gewesen, das Hanß Eberle ihme Trabschuche hinwieder solchen Weizen bezahlt hette, wehre es nicht geschehen, sonndern ihme noch schuldig blieben. Greger Pegniczer hatt bei seinen erinnerden Aydt vnd gueten Gewißen gezeuget wie volget: saget, das es ihme guet wißendt, das er bei den Gerichten dabey gewesen, wie sich Trabschuch mit den Jueden verglichen vnnd ihme Geldt geben, dabei Hanß Eberle gewesen vnndt den andern Tag in der Mühle ihne Trabschuchen gebeten, ihme nicht zu uerdecken, dann er ihme den Weizen ehrlich zahlen wolte, hernacher also drüber gestorben. Nickel Mennicher zeuget bei seinen erinnerdten gueten Gewißen dieses, das sich Hanß Trabschuch vnndt Hanß Eberle ihme mit nach Eudlicz genommen, vnnd wie sie sein zum Jueden kommen, so hette er zum Hanß Eberle gesagt: Meister Beck, ich trau Euch den Weiz nicht, ich will den Trabschuch die 10 Str. Weiz vertreuen. Darauff Trabschuch auff sich den Jueden eine Versicherung machen laßen bey Stadtschreiber zu Eidlicz, hernacher er Hannß Eberle ihme Trabschuchen hinwieder eine Versicherung geben vnndt ist der Eberle also den Trabschuch solche 10 Str. Weiz zu bezalen schuldig blieben. Publicirt den 1. Xbris 1628. Aus dem Ratsprotokollbuche von 1628-1629, S. 75-75 v. 182