Jahrbuch der Gesellschaft für Geschichte der Juden in der Čechoslovakischen Republik · 1935-01-01 · 7 (1935) · page 134

gehendt gethan) ein gewisse Summ schwinden laße vndt mit dießer abgebranten Gemain ein sonderliche Gedult trage, dann wier sonsten in Verwaigerung eines billichen Nachlaßes hinwiederumb bey Ihr khay Mayt. vnderthänigst einzuekhommen vndt vnßern gehorsambisten Gegenbericht zu thuen nothgedrungen würden. Leben aber tröstlicher Zuuersicht, Ewer Gn. vnndt Gestr. werden die Sachen Ihrer beywohnender Discretion nach zue remedirn großgünstig nicht vnterlaßen. Wormit Ewer Gd. vndt Gestr. zue göttl. Behuttsambkheit trewisten empfehlen vndt verharren Euer Gn. vnd Gestr. willige Diener Burgermaister vnndt Rath daselbest. Commotaw den 11. 8bris 1642. Aus dem Korrespondenzbuche von 1640—1643, S. 186—186v. 76. 1647 März 19 - Juli 17. Die Juden Lößer und Joseph als Gläubiger und Schuldner. Heut dato dem 19. Marty anno 1647 kommet bey Gerichten der Stadt Commothaw vor Lößer Juth vndt Joseph vndt beclagen Daniel Ihla wegen Schulden ihreß abgekaufften Lederß 40 Reichstaller betreffent, gelobet derowegen Daniel Ihla auff künfftigen Dinstag den halben Theil zu erlegen an ohne allen Schaden vndt Vncosten, die andere Helfft künfftig den 11. Aprilis. Vndt solches ist vmb die Gebühr bey den Gerichten vorzeichnet worden. Actum ut supra. Eodem die kombt bey dem Gerichten vor Martin Gautel vndt beclaget diese beyde Juden Löseni vndt Joseph Juden wegen 60 Fl., so er ihme zu Prag vorgestrecket hat neben andern zwenen Juden, sagen also gemelte Juden bey Gericht mit Handt vndt Mündt zu, ihme Gautel alß den 5. Aprilis ohn allen Schaden vndt Vncosten solches Geldt bey dem Gerichten niederzulegen, in Fall aber solches nicht geschehen wirde, soll Martin Gautel Macht haben, solche Juden in der Fronfest einzunehmen vndt alle seine Vncosten, waß darauff gehen möchte, die Juden zu ersetzen schuldig sein. Actum ut supra. 76a. Zu wissen, das dato den 15. May 1647 Herr Haubtman, Herr Johan Christian Noderer, ein Schreibenn in daß alhiehische Gerichte gesendet folgender Gestalt lautende: Meinen Gruß vndt alleß Gutteß, lieber Herr Stadtrichter. Ich werde bericht, daß dem Lößer Juden vndt seinen 3 Mitconsorten ihre Wahren, so sie zu Commothau liegent haben vndt wegen allgemeinen Geldtsnott nit alßbaldt verkauften könen, von vnter- 131