Zeitschrift für die Geschichte der Juden in Deutschland · 1890-01-01 · Heft 1 · p. Seite 91

Miscellen. 91 alles und yedes kraft und macht haben, pehdenn partheyen demselben nachzufolgen schuldig sein unnd darzu gehallten werden sollenn on verhinttern ainicher appellation oder annders, so Hiewider angezaigt werden möchte -, darnach wisset Euch zn richten. Geben zum Rottenman am siben und zwaintzigisten tag des monats octobris nach Cristi gepurt fünfftzehenhundert und im sechsten, unnser reiche des Romischen im am unnd zwaintzigisten unnd des Hungerischen im sibenzehenden jaren. 4. Nördlingen berichtet an Frankfurt über die nützlichen Folgen der Vertreibung seiner Juden. 1516, Jan. 24. — or. edart. e. siA. vers. Lmpr. im Frkf. Stadtarch., Reichss. 7064, Stück 16. Fürsichtigen ersamen unnd weysen, euer lieb sind unnser freuntlich willig dienst allzeit mit vlehs berait, voran besonnder lieben unnd guten freunt. Euer schriben und begern, der Juden halben den fünsftzehenden tag Januarii ditz gegenwirtigen jarS an unns außganngen, haben wir auf den drey unnd zwaintzigisten tag bemelts monats zu fruer rats zeit alhie entpfannzen und alles innhalts vernomen. Fuegen euer lieb daraus zu verneinen, daß die Juden, so verrückter zeit alhie bey unns in des Hailigen reichs unnd unnser statt pacts und gedingsweis gewonet haben, on mittel kay. Mt. unnserm allergnedigsten Herren etc. zugestannden unnd zugehörig gewesen sind, auch in kraft der freyhaiten, Mandaten und in Massen der commission, der copeh hiebey Verslossen ligen^), durch unnser sonnder vleyßig anhallten, lanngem nachinreuten, mercklicher muhe, trefenlichem costen erlanngt, von und aus unnser statt vertriben worden, des wir pillichen dem allmechtigen zuvor auch kah. Mt. gros lob unnd dannck sagen; dann wir yetzunt dise kurtze jar her unns der unruw des teglichen anlauffens der Juden und der, so mit inen hanndtieren, entladen, auch zimlicher aufnemung an der narung an Minderung vil liederlicher unloblicher und verderplicher hanndlungen in unnser armen burgerschafft nit wenig befinden unnd vermercken, das alles wir dannocht E. F. E. W., als unnsern besonnder lieben unnd guten freunden, auf ir ersuchen im Pesten in vertraulichem gehaim unverhallten lassen wollten, denen auch freuntlich dienst und dancknem gefallen, womit wir kündenn unnd möchten, allzeit gern mit besonnderm vlehs willigklich beweisen. Geben auf den vier unnd zwaintzigisten tag Januarii anno ete. XVI. Burgermaister und Rat zu Nördlingen. Adresse (Rückseite): Den fürsichtigen ersamen unnd weisen Burgermaister unnd Rate der Statt Franckenfurt unnsern besonndern lieben und guten Freundenn. Siehe die vorhergehenden drei Abdrücke.