Jahrbuch der Jüdisch-Literarischen Gesellschaft · 1906-01-01 · IV. 1906 - 5667 (1906) · page 186

63 Anhang IV. Ferdinand von Gottesgenaden Römisch Khunig zu allen Zeiten Merer des Reichs. Lieben getreuen-Wiewoll wir Euch Khurz verschiner Zeit Auf vnnderthunig ansuechen vnd bit Schmul Juden vund seiner Hausshebigen Khinder zu Schweinfurt genädigelich aufgelegt vund beuolchen, dass Ir Sy Innhalt vnnd vermueg Euer Inen gegebnen Verschreibung biss zu ausgang der dar Innen verleibten vnd versprochnen Jar, zu Schweinfurt, bey den Iren sicher vund vnbetrübt beleihen, wieuor Hanndien vund Wandien, vnnd Ir verprente Behaussung daselbst guetwillig widerer Rauen lassen solten, So werden wir doch von gedachten Juden yetzo bericht, Wiewoll Sy Euch solchen vnsern genädigen beuelch vnd furschreiben vberantwort, das Ir doch solchen bisheer nit nachkhomen, sonnder Inen zw Annt. geben haben sollet, das Ir vnns aufs Eheist widerumben zueschreiben wolten, Nachdem Sy aber an khainem anndern ort mit Hcuslichen wonungen versehen vnnd Numer ain lannge Zeit Im Eilend hetten vmbziechen muessen, Haben Sy vnns vmb ferner einsehung vnd hilff zum diemüttigisten gebetten. Dieweill vnns dann von Euch derhalben bisheer nichts zukhomen, vnd wir nochmalen für billig achten, vnd vns nitandst versechen dann das Tr Euere gegebnen Brieff vnd Sigeln geburunde volziehung zuthuen genaigt sein werden. So ersuechen wir Euch nochmallens genädigelich vnnd Ernestlich gebietunds das Ir vorigem unserm begern vnnd beuelch vnwaigerlich nachkhomen, vnnd geburunde Volziehung thuen wollet. Wo Ir aber dessen yo (?) zu thuen nit schuldig zw sein vermainten, vnns solches zum furderlichisten berichtet, vnns ferner der gebur haben zu entsliessen, daran Thuet Ir vnsern genädigen vnd Ernestlichen willen vnnd Mainung, Geben in vnnser vnd des heilligen Reichs Stat Augspurg den Sechtzehennden Tag July Anno dm. Funffundfunfftzigisten unserer Reiche des Römischen im Funffundzwaintzigisten vnnd der Andern im Neunvnndzwainzigisten. Ferdinand. eingegangen am 31. July aü 55.