Programm · 1911-01-01 · 1911 · page 44

Anhang. König Karl IV. verpfändet der Stadt Frankfurt die Juden daselbst um 15200 Pfund Heller mit allen Nutzungen und Diensten. Frankfurt 1349, Juni 25. Wir Karl von gots gnaden, römischer küng, ze allen Zeiten merer des reiehs vnd küng ze Beheim, veriehen vnd tun kunt offenlich mit disem briue allen den di in sehen, hören odir lesen, das wir durch küntliche, schimberliche not vnsir vnd des reichs, di itzunt vfirstanden ist vnd etzwy lange gewerit hat, von criege vnd zweyunge wegen des reichs vnd dorumb wir vnd das reich in scholt, kost, arbeit vnd grozzen schaden komen sin, vmb die not, scholt, arbeit vnd schaden zu enthebene vnd zu entschütene, dem reiche zu eren vnd zu nutze, han wir gerett vnd vbirkomen mit den scheppfen, dem rat vnd den burgern ze Frankenfürt, vnsern vnd des reichs liebin getrewin, das si an haben gesehen vnsir vnd des reichs ere vnd nutz, vnd haben wir mit in, vnd sye mit vns vbirkomen vnd haben sye dorumb iren grozzen schaden getan vnd haben vns vnd dem reiche zu nütz vnd eren vnd den schaden vnd di scholt zu enthebene, gereichet vnd betzalet funftzehen twsent pfunt vnd zweyhundirt pfunt haller guter werunge, di wir in küntliche, schimberliche nütze vnd not des reiches, als vor geschriben ist, gewant vnd gekerit haben; für di selben summen geldes haben wir in zu pfände gesatzt vnd verpfendet vnsir juden gemeinlichen zu Frankenfürt, vnsir camerknechte, ifch. vnd arm, di itzunt do sint, adir her noch dar komen mügen, samenthaft vnd besundirn, ir leib vnd ir güt zu Frankenfurt adir vzwendig derselben stat, in der selben termenye adir anderswo, wo es sei, ligende, flizzende adir farende, virsucht vnd vnuersucht, ouch an bereyter habe, adir wi man es irdenken adir genennen kan vnd mit namen ire höfe, ir husere, iren kirchhof, iren schulhof, ir eygen vnd ir erbe vnd was sy haben, ynnewendig adir vzwendig der stat zu Frankenfürt gelegen, das di juden vnd ir gut vnsern vnd des reiches burgern vnd der stat zu Frankenfürt vnd iren nochkomen zü dinste sullen sten mit allen nützen, allen gefeilen, allem dinste adir was si ir geniezzen mügen adir von in vfheben, wi man des irdenken mag, adir wi das ist, also lange, biz das wir adir vnsir nochkomen an dem reiche di juden von den burgern der stat zu Frankenfürt odir von iren nochkomen widir gelözen mit funftzehen twsent pfunden vnd zweinhundert pfunden haller guter werunge vnd das wir das gelt den von Frankenfürt gentzlich haben