Monatsschrift für Geschichte und Wissenschaft des Judentums · 1900-01-01 · Heft 7 · p. Seite 349

Urkundliches Material zur Geschichte der Egerer Judengemeinde. 349 frunden gütlich betragen vmb alle müglich sach, was sie dann nicht eyn konden weren, des solten sie komen für vns den Rate, wie wir das dann erkennen in redlichkeit, also sal es bleiben, vnd wer auch das Ir keiner der Juden vnbescheiden wer ader wurde dauon Irrethum entsteen mochte, das sal dy Judischeid bringen für vns den Rate, vnd wir der Rate sullen In vorweisen von der Judischeit wegen vnd die eldesten vns den Rate biten, daz .wir In heissen enweck czihen in eym virteil Jars vnd sullen In gentzlich darczubeholflen sein, das es zugee, vnd sullen In volkumlieh mit seiner habe vnbeschadigt lassen wekczihen; auch haben wir In die macht gegeben vmb die schalanp Juden, die do pflegen zu wandern durch die lanndt, die da vngeweiiich weren der Stat oder In, das sy dy mugen straften vncl vorweisen aus der Stat; bedorffen sy vnser darczu, so sullen wir In darczubehulftlicbsein, vnd was dieselben Juden dawider setzten oder redten, das sol In vnbehulfflichsein vndden Judenongeuerde vnd sol in von vns zu keinen schaden nicht komen, auch ab sie solten gelt haufheben czugeschotz oder tzu anderley, das sich vnter der Gemein von redlichen Sachen geburet, wer dann das sich yemant darwider setzte, wenn vns dann die eldesten oder die vorsteer von der vordersten genanten Juden wegen aimifften, So sullen wir In vnser Knecht leihen, das man die Juden darumb pfende; wer es auch das sich die Juden dawider sezten oder redten, das soll In alles vnbehulfflich sein vnd den Juden ongeuerd vnd von vns czu keinen schaden nicht komen, wer auch, ob ymand den Juden czusprechen hette, umb welcherlei schult oder sach das wer, der sal die Juden lad für vnsern Rate, so sulle wir dy Sache selber verhören vnd so entscheiden mit Recht, auch spricht der Jude neyn vnd ist vn gesell olden an seyne Rechten, so sal er mit seyrn neyn dauon kommen Vnd mit irem jüdischen Recht vnd yren eid tliun auf Moyses Buch, als vor alder herkomen ist, vnd die klüger sullen in doran lassen genügen, wenn auch die Juden den klegern sulch recht teten, so sullen sie der schult ledig vnd laz (= los) sein, auch oh der Jude stamelte an seyn eid on argeiist, das sal dem Juden nicht zufare steen gen den Richter vnd gen dem kleger, vnd er soll dorumb nicht czuschaden komen, auch wole ymand die Juden schuldigen mit getzewgen, der mag sy vbertzewgen mit fromen Cristen vnd Juden die wonhafft in unser Stat sind vnd vngescholden an irem rechten, auch ab sie czuschicken hotten vor vnserm Gerichte, so sullen sie das halten nach vnserer Stat gewöhn heit vnd leufften, vnd wir sullen den Juden helffen on aufezok (= Verzug)