Monatsschrift für Geschichte und Wissenschaft des Judentums · 1900-01-01 · Heft 6 · p. Seite 312

812 Urkundliches Material zur Geschichte der Egerer Judengemeinde. nicht So mügen die von Eger dieselben pliandung simder vmb zehen Reinisch guidein vorkomern vorsetzen vnd vorkawffen vnd die aber demselben dohin noch zu gut, Inner vierzehen tagen die nagsten nacheinander folgend wider zulösen anweisen, wird aber das von deneselben gephandten dannoch voracht vnd nicht gelöst, so solle yne nymandis nichtis darumb pWichtig sein, das mugen sie also hanndeln, so offte Ine der noth beschyt, mere So wollen wii* hiemit das in dene lannd zu Eger nymandis fort, kein neve prewehaws aufrich vnd von alders nicht gewesen sein auch kein erber inann oder landsesse nit mer prewe dann zu seiner selbst notturfft vnd anndern weder dene sein noch anndern zu schenken nicht gebe Sunnder sich des in der stat Eger irholen, die von Eger sollen auch keinerweis hinfur kein neves Ritter gut das von alders nicht gewesen noch bekunen ist, aufkomen lassen noch yem annde gestaten darzu kein edel mann Burger noch gemeiner man keine erb guter so im Egerlande liegen machthaben solle an Rat vnd land vorkawffen versetzen noch verphennden, und nachdeme die von Eger die teiche auf der Caminer auf der Czedwitzer vore lubsstein und auf des von Eger grunnden geschudt haben noch schufen sollen darumbe sie denselben Czedwitzern ein benugen getan haben, die soll nv [= nun] der Stat Eger frey vnd ledig der kuniglichen lehen ewigclich bleiben auch ferner solicher vnser begnadung vnd freihait; wie sie allinthalb obvermelt sind mugen vnd sollen sichdie gerne! ten von Eger als unser getrewliebvestieglichganntzvndan alle mynnerung halden vnd gebrauchen vnuergriffen vnd vnschädlich, auch annder ir freihait begnadung rechtspruch herkumeu vnd gewonhait in welichem lawt [״= Sprache] sie sein des gleich unuerhinndert aller geschreben vnd annder recht ordtnung Satzung vnd gewonhait so darwider sein möchten daran wir nach vnnser nachkumen ambtlewte vnd vnndertane sie incheinweis hindern noch Irren sollen ganntz trewlich vnd ongeuerd darumb gebieten wir allen vnd iglichen vnsern vndertan, vnd lieben getrewen, in welcher stat die sein, vnd sunderlich vnnsern phleger zu Eger der itzund ist oder in Zeiten sein wird ernnstlich vnd vestigclich, den von Eger vnd der Stat an solchen vnnsern gnaden Dhain hinderung thnn Sünder sie dabei getrewlich helffen hanthaben schützen vnd schirmen, hey Vermeidung vnnser sweren vngnad vnd verliesurig, wer dawider thut Zwainczig marck lotigs goldis, halb in unser kunigdich Cammer vnd halb den von Eger vnleslich zu bezalen, des zu vrkunt haben wir vnnser kunigclich insigil hier anhengen lassen. Gehen zu präg am freitag nach sand vlrichs tag nach xhri gehurt vierzehenhunndert vnd im Sibenundnevnzigisten.