Mitteilungen des Gesamtarchivs der Deutschen Juden · 1911-01-01 · 3 (1911-1912) · p. Seite 134

Anlagen. Rep. 8 nr. 263. „Wilhalm von gots genaden Bischof zu Eystetn dem Ersamen andechtign vns Sunderlichen in cristo Techant der Techney Newnmarckt vnnsers Bistumbs den grus Im Herrn. Wann zu vnsern gehorn kumen ist, wie In ettlichn Stetn vnd Dorf fern vnnsers Bistumbs, da Juden wonen, ein smech (= Schmach) gewachssen sey, das vndter Juden vnd Christen In den klaydern chain vndterschied erchannt werdet, vnd dy Juden mit den Christen verpoten Hanttyrung habn, vnd sich mit In vermischn auch zwvil mala die öbristn stet In den malen vnd paden Irren, vnd das nochmer zu verachtn ist, das dy Christen das Fleischs so dy Juden mit Irn vermacligtten Hendn beruren Zechauffn genött werdn, das alles dy gotlichn vnd menschHchn gesetz weren als sach, die der Yernufft misshellig, dem heylign Cristenlichn gesetzn vnd der Cristenlichn geistlichait gentzlich widerwerttig vnd fremdt sein sulln, solich Laster In den gelaubign Hertzn vil schandt gepern. Wann aber der pösen gesellschaft nit allain dy zu lästern berait sein sundern menig mal auch dy guten zerstörn, So aber dy gemainschafft der gelaubign mit den Juden gäntzlich schedlich ist Ynd vns aus vnnserm Bischofflichen ampt solichem souil wir mit gots genadn mügn begern zw endtgegen, beuelin wir dir In krafft der heylign gehorsam vestigklich schaffn gepietende, das du solich vnnser mandat zw alln In sunderhait deiner Technei pfarrern nachpfarrern vnd stathaltern derselbn In Ir wissen nit lassest zepringn vnd den vnd yeglichm In Sunderhait aus unserm gewalt schaffest vnd gepietest, das sy allen gelaubign Ir pfarren allenthalben, wo dy sein, von dem predigstul gepieten, das sy mit den Juden chainerlay mal oder zech oder höflen (!) sentterling (!) habn, wann das vnwirdig vnd laydigung gottes ist, Ir speis von den Cristn zenemen, wann die speis dy wir nemen, von In vnrain gericht werdn, geleich als dy Cristn minder dan dy Judn geschätzt sein soltn, So dy Cristn sich der speis, so In von den Juden furgesetzt, geprauchtn vnd sy doch was In (von) vns furgelegt wurde versmechten vnd wann aber mit Sweign der Smech der vnser Sünde getilgt hat, mit duldn sulln, darmit dy Juden zu smech vnsers Schöpffers durstigklich furnemen zefreuen pringen, verpieten wir herttiglich, das dy Juden In den tagen der klag vnsers herrn leydn auch dy gantzn acht tag des fronleichnams vnnsers herrn jhesu xpi chain venster Irer hewser aufthun, noch offenlich auff der gassn geen sunder die zeit sich In Irn hewsern endthaltn vnd das auch vndter cristn vnd Juden, als dy vernufft haisset vnd von vnnsern grossem gesetzt ist, vndterschaid In den klaydern erchant werde, Gepietn wir, das dy Juden mann ein scheyben von gelber färb voren an der prust vnd dy weyber zwo zeil von plabn fadmen desgeleichen