Zeitschrift für die Geschichte der Juden in der Tschechoslowakei · 1938-01-01 · Heft 1 · p. Seite 5

mein erben offenlich mit dem brief vnd tuen kund allen, den er furbracht wiert, von wegen meins hawss mit aller zuegehörung, gelegen ze Grecz in gotsleichnamsgassen zwischen Walthezaren des tischer vnd Hannsen des schuster hewser vnd stözzt hinden an der von Phanberg haws, das vorczeiten L e z e r des juden gewesen ist, dauon man jerlich dient in der lanndsfürsten khamer drey Wienner phening ze gruntrecht vnd das ich von dem allerdurlewchtigistenn fuersten vnd herrn hern Fridreichen, römischen künig, herczogen ze Oesterreich, ze Steir etc., meinem genedigistenn herren, gekauft hab nach lautt ains kaufbriefs, den ich darumb inngehabt hab; denselben chaufbrief mit allen seinen rechten, freyhaiten vnd krefften, nuczen, punten, vnd artikeln, so darinn berüret sein, vnd auch das vorgeschriben haws mit aller zugehorung hab ich vorgenannter Tristram von Teuffenpach für mich vnd all[e] mein[e] erben recht vnd redlich verkaufft vnd vbergeben mit gerichts hannd ze Grecz, dieczeit des erbern, weisen Hainreichs Maler, dem edeln Thoman Rattaler vnd Elspeten seiner elichen hausfrawn vnd yren baiden erben, auch ledigklich vnd vnuersprochen ingeantwürtt in ier nucz vnd gewer mit dem brief, mit allen den nuczen vnd rechten, so darczu gehörend, als ich das in purkhrechts nucz vnd gewer inngehabt habe, vnd behald mir, noch allen meinen erben für hewt datum des briefs chainerlay rechten daran nicht vnd sy habent mier berait[s] dafür ausgericht ain summ gelts, daran mich genczlich wolbenügt hat, in der beschaydennhait, daz sy nu fürbaser das obberurt haws mit aller zuegehörung, auch den bemeltenn chaufbrief, der mir vnd meinn erben darüber lautt, zu allen yren notturfften, fürdrungen vnd rechten geprawchen auch allen yren frummen damit schaffen sullen vnd mugen als mit andern yren aigentlichen guet an all vnser vnd menikhlichs von vnsernn wegen ierrung vnd widersprechen vngeuerlich. Des zu warer vrkhund geben wir in den brief besigelten mit des obgenanten statrichter Hainrichs Maler aigen anhangunden insigel, den ich vorgenanter Tristram von Teuffehpach zur vertigung des chauffs vnd der vbergab darvmb gepeten hab, doch im vnd seinen erben an schaden. Ich hab auch zu pesser sicherhait vnd zeugnuss gepeten den erbern, weisen Erharten Hanntaler, burger zu Grecz, das der sein insigel auch im vnnd seinn erben an schaden an den brief S